ايەلدەر وزدەرىنىڭ قاجىر-قايراتىمەن ەلدىڭ دامۋىنا ۇلكەن ۇلەس قوسىپ كەلەدى - اشىمبايەۆ
استانا. KAZINFORM - سەنات ءتوراعاسى ماۋلەن اشىمبايەۆ حالىقارالىق ايەلدەر كۇنىنە وراي Facebook-تەگى پاراقشاسىندا جازبا قالدىردى.
- كوكتەم مەرەكەسىمەن شىن جۇرەكتەن قۇتتىقتايمىن! مەيرام قارساڭىندا ءبىرقاتار ارىپتەسىمىز جوعارى ناگرادالارمەن ماراپاتتالعان بولاتىن. بۇگىن ۇجىم بولىپ سەناتور ارىپتەستەرىمىزدى جانە پالاتا اپپاراتىنداعى قىز-كەلىنشەكتەردى حالىقارالىق ايەلدەر كۇنىمەن قۇتتىقتاپ، سول ماراپاتتاردى سالتاناتتى تۇردە تاپسىردىق. بۇگىندە قازاقستاندىق ايەلدەر وزدەرىنىڭ قاجىر-قايراتىمەن ەلدىڭ دامۋىنا ۇلكەن ۇلەس قوسىپ كەلەدى. وسى ورايدا سەناتتاعى ارۋلارىمىزدىڭ وتە بەلسەندى ەكەنىن اتاپ وتكەن ءجون. ولار حالىق سەنىمىن ابىرويمەن اقتاپ، پرەزيدەنتىمىز قاسىم-جومارت كەمەل ۇلى توقايەۆتىڭ رەفورمالارىن ىسكە اسىرۋ ءۇشىن ايانباي ەڭبەك ەتىپ ءجۇر. اپپاراتتاعى اپكە- قارىنداستارىمىزدىڭ دا ەل ۇشىن اتقارىپ كەلە جاتقان ەڭبەكتەرى زور. شىن مانىندە، پالاتادا قابىلداناتىن ءار شەشىمدە ولاردىڭ ۇلەسى مول. وسىعان بايلانىستى سەناتتاعى بارلىق ەر ازاماتتىڭ اتىنان ارۋ ارىپتەستەرىمىزگە العىس ايتا وتىرىپ، تاعى دا كوكتەم مەرەكەسىمەن شىن جۇرەكتەن قۇتتىقتايمىن! بارشاڭىزعا اماندىق، باق-بەرەكە جانە بارلىق ىستەرىڭىزگە ساتتىلىك تىلەيمىز! ، - دەپ جازدى ماۋلەن اشىمبايەۆ.
وسىعان دەيىن پرەزيدەنت ارۋلاردى كوكتەم مەرەكەسى - حالىقارالىق ايەلدەر كۇنىمەن قۇتتىقتاعانىن جازدىق.
سونىمەن قاتار، 20 جىلعا جۋىق ەڭبەك ءوتىلى بار مال دارىگەرى «شاپاعات» مەدالىمەن ماراپاتتالدى.
