ايەلدەر راسىمەن ەرلەرگە قاراعاندا كوبىرەك سويلەي مە؟ - عالىمدار جاۋابىن انىقتادى
استانا. قازاقپارات - ايەلدەردىڭ ەرلەرگە قاراعاندا الدەقايدا كوپ سويلەيتىنى تۋرالى كەڭ تارالعان ستەرەوتيپ تولىقتاي شىندىق ەمەس.

ايەلدەردىڭ ەرلەرگە قاراعاندا الدەقايدا كوپ سويلەيتىنى تۋرالى كەڭ تارالعان ستەرەوتيپ شىندىققا تولىق سايكەس كەلمەيدى. بۇل تۋرالى Journal of Personality and Social Psychology جۋرنالىندا جاريالانعان جاڭا زەرتتەۋدە ايتىلدى. عالىمدار مىڭداعان ادامنىڭ كۇندەلىكتى ءسوز قولدانۋىن ءارتۇرلى جاعدايلاردا تالداي كەلە، ايەلدەر كۇنىنە ءسال كوبىرەك ءسوز ايتاتىنىن، ءبىراق بۇل ايىرماشىلىق وتە از جانە جەكە ەرەكشەلىكتەرگە بايلانىستى وزگەرمەلى ەكەنىن انىقتادى.
2007 -جىلى جۇرگىزىلگەن زەرتتەۋ دە بۇل كوزقاراسقا كۇمان كەلتىرگەن بولاتىن. وندا 396 قاتىسۋشىنىڭ سويلەگەن سوزدەرى ارنايى قۇرىلعى ارقىلى جازىلىپ، ناتيجەسىندە ايەلدەر مەن ەرلەر شامامەن بىردەي - كۇنىنە 16000 سوزدەن قولداناتىنى انىقتالعان.
الايدا، سول زەرتتەۋ ۇلگىنىڭ ازدىعى جانە ارتۇرلىلىكتىڭ جەتكىلىكسىزدىگى ءۇشىن سىنعا ۇشىرادى. سونىمەن قاتار، كەيىنگى زەرتتەۋلەر ادامنىڭ كوپ سويلەۋى جاسىنا جانە الەۋمەتتىك جاعدايعا بايلانىستى وزگەرۋى مۇمكىن ەكەنىن كورسەتتى. وسىعان بايلانىستى عالىمدار جاڭا، اۋقىمدى زەرتتەۋ جۇرگىزىپ، بۇل تاقىرىپ بويىنشا نەعۇرلىم ناقتى قورىتىندى جاساۋعا تىرىستى.
زەرتتەۋ اۆتورلارى ناتيجەلەردىڭ بەلگىلى ءبىر شەكتەۋلەرى بار ەكەنىن اتاپ ءوتتى. كولين تيدۆەللدىڭ ايتۋىنشا، ستاتيستيكالىق بەلگىسىزدىكتىڭ جوعارى بولۋى، زەرتتەۋگە قاتىسۋشىلاردىڭ ارتۇرلىلىگىنىڭ تومەندىگى، الەۋمەتتىك كونتەكستەردەگى سويلەۋ ەرەكشەلىكتەرىنىڭ قاراستىرىلماۋى - باستى شەكتەۋلەردىڭ ءبىرى.
زەرتتەۋ “Are Women Really (Not) More Talkative Than Men? A Registered Report of Binary Gender Similarities/Differences in Daily Word Use” دەپ اتالادى جانە وعان كولين ا. تيدۆەلل باستاعان كوپتەگەن عالىمدار قاتىستى.