اۋىلعا جۇمىس ىستەۋگە بارعان IT- مامانعا قانداي الەۋمەتتىك قولداۋ كورسەتىلەدى
استانا. KAZINFORM - اۋىلعا جۇمىس ىستەۋگە بارعانى ءۇشىن مەملەكەت تاراپىنان الەۋمەتتىك قولداۋ شارالارىن الۋشىلار ءتىزىمى سيفرلىق تەحنولوگيالار جانە ارحيۆ ءىسى سالاسىنداعى ماماندارمەن تولىقتى.
ۇلتتىق ەكونوميكا ءمينيسترى بۇيرىعىمەن ەنگىزىلگەن وزگەرىستەرگە سايكەس ەندى اۋىلدىق ەلدىمەكەندەرگە جۇمىس ىستەۋگە جانە تۇرۋعا كەلگەن نەمەسە وقۋدان ورالعان سيفرلىق تەحنولوگيالار جانە ارحيۆ ءىسى سالاسىنداعى ماماندارعا مەملەكەت تاراپىنان مىناداي الەۋمەتتىك قولداۋ شاراسى كورسەتىلەدى:
- 100 ەسەلەنگەن ا ە ك مولشەرىندە كوتەرمە جاردەماقى؛
- تۇرعىن ءۇي ساتىپ الۋ نەمەسە سالۋعا اۋداننىڭ اكىمشىلىك ورتالىعىنا 2500 ا ە ك، ال اۋىلدىق ەلدى مەكەنگە 2000 ا ە ك مولشەرىندە بيۋجەتتىك كرەديت.
بيۋجەتتىك كرەديت تۇرىندەگى الەۋمەتتىك قولداۋدى جاقىن تۋىستان تۇرعىن ءۇي ساتىپ الۋعا پايدالانۋعا بولمايدى. مامان جۇبايىنان، اتا-اناسىنان، اتاسى مەن اجەسىنەن، بالالارىنان، اعا-ىنىلەرى مەن اپا-قارىنداستارىنان ءۇي ساتىپ الۋ ءۇشىن بۇل كرەديتتى الا المايدى.
سونداي-اق ازاماتتىڭ ءوزى تۇراقتى تۇرىپ جاتقان تۇرعىن ءۇيدى ساتىپ الۋعا دا بيۋجەتتىك كرەديت بەرىلمەيدى.
تۇرعىن ءۇي ساتىپ الۋعا نەمەسە سالۋعا بەرىلەتىن مۇنداي الەۋمەتتىك قولداۋ ەرلى-زايىپتىلاردىڭ بىرەۋىنە عانا ۇسىنىلادى.
بۇعان دەيىن «ديپلوممەن اۋىلعا» باعدارلاماسىنا جاڭا ماماندىقتار قوسىلعانىن جازعان ەدىك.
