اۋىل شارۋاشىلىعى ساناعىن وتكىزۋگە 3,7 ميلليارد تەڭگە قارجى جۇمسالادى
استانا. KAZINFORM - ۇلتتىق اۋىل شارۋاشىلىعى ساناعىن وتكىزۋگە 3,7 ميلليارد تەڭگە سوماسىندا قارجى ءبولىندى. بۇل تۋرالى ق ر ۇلتتىق ستاتيستيكا بيۋروسىنىڭ باسشىسى ماقسات تۇرلىبايەۆ ايتتى.
- بولىنگەن بيۋجەت ماسەلەسىنە كەلسەك، ساناق جۇمىسى رەسپۋبليكالىق بيۋدجەتتەن 2025-جىلعا 3,7 ميلليارد تەڭگە سوماسىندا قارجىلاندىرىلادى. ءبىر رەسپوندەنتتىڭ قۇنى 3,2$. شىعىنداردىڭ نەگىزگى بولىگى تەحنيكالىق قولداۋ مەن ەڭبەكاقىعا بايلانىستى، - دەدى ول و ك ق الاڭىندا.
سونداي-اق سپيكەر ساناققا قانشا ينتەرۆيۋەر تارتىلاتىنىن اتاپ ءوتتى.
- ساناق جۇرگىزۋ ءۇشىن ءبىز جۇمىسسىز ازاماتتار مەن ستۋدەنتتەر قاتارىنان، سونداي-اق كونكۋرستىق ىرىكتەۋدەن جانە ارنايى وقىتۋدان وتكەن بارلىق نيەت بىلدىرگەن ازامات ساناتىنان 3700 دەن استام ادامدى ينتەرۆيۋەر رەتىندە جۇمىسقا تارتۋدى جوسپارلاپ وتىرمىز، - دەدى ماقسات تۇرلىبايەۆ.
ەسكە سالساق، بۇعان دەيىن بيۋرو ساناقتى وتكىزۋگە 5,2 ميلليارد تەڭگە بولىنگەنى تۋرالى مالىمەت بەرگەن بولاتىن.
بۇعان دەيىن ساناق كەزىندە دەرەك بەرۋدەن باس تارتقاندارعا قانداي جازا بارىن جازعان ەدىك.
