ايدا بالايەۆا وتاندىق كينو تۋرالى: رەجيسسۋراعا قاتىسى جوق ادامدار ءوتىنىش بەرەدى

 مادەنيەت جانە اقپارات ءمينيسترى ايدا بالايەۆا وتاندىق فيلمنىڭ بۇگىنگى جاعدايى مەن دامۋىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«حالىقارالىق جارىستارعا جىبەرىلەتىن فيلمدەردى كينورەجيسسەرلەر وداعى شەشەدى. ىرىكتەۋمەن سولاردىڭ كوميسسياسى اينالىسادى. مەملەكەت ولاردىڭ جۇمىسىنا ارالاسپايدى. دەگەنمەن مەملەكەتتىك ورگاندارعا سۇراقتار بولدى. ءبىز ونى زەرتتەدىك، وندا بەلگىلى ءبىر كريتەريلەر بار. بايان الاگوزوۆانىڭ كارتيناسى پارامەترلەر بويىنشا وتپەدى. ول 2019 -جىلى ءتۇسىرىلدى. جالپى، بۇل وتە وزەكتى ماسەلە. بىزدە مينيسترلىكتەردىڭ جانىنان كينونى قولداۋ ورتالىعى بار. ورتالىققا 200 دەن استام كينوكارتينا ءتۇستى» ، - دەدى ايدا بالايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ ايتۋىنشا، ءبىرىنشى كەزەڭدە 115 كينوكارتينا تاڭدالدى. وسىدان ءۇش كۇن بۇرىن شىعارماشىلىق مازمۇن، يدەولوگيالىق مازمۇن كارتينگ ءۇشىن پيتچينگ وتكىزىلدى.

«ءبىز بيۋدجەتتەن قارجىلاندىراتىن 20 جوبانى شىعارامىز. كينونى دامىتۋعا باعىتتالعان بارلىق مەملەكەتتىك قارجى رەجيسسەرلەردىڭ، سەناريستەردىڭ شىعارماشىلىق كوزقاراسىن قولداۋعا باعىتتالادى. بىزگە رەجيسسۋراعا قاتىسى جوق ادامداردان كوپ ءوتىنىش كەلىپ تۇسەدى. كينو بۇگىندە قارقىندى دامىپ كەلە جاتقان سالا. مەملەكەت بۇل يدەولوگيا ماسەلەسى ەكەنىن ءتۇسىنىپ وتىر، جالپى العاندا ءبىز سالانى قولدايمىز. فيلمدى مەملەكەتتىك قارجىعا تۇسىرەتىندەر پروكاتتان پايدا كورۋى كەرەك. ول ءۇشىن پروكاتى جوعارى بولۋى كەرەك، كورەرمەندەردىڭ كوڭىلىنەن شىعۋى ماڭىزدى. 115 جۇمىستىڭ ىشىنەن ءبىز تەك 20 كينكارتينانى تاڭدايمىز»، - دەيدى ول.