ايدا بالايەۆا Amre گە قولداۋ كورسەتتى
استانا. KAZINFORM - ق ر مادەنيەت جانە اقپارات ءمينيسترى ايدا بالايەۆا Amre اتاۋىمەن تانىمال ءانشى ەرنار سادىربايەۆقا ينتەرۆيدەنيە-2025 بايقاۋىنا قاتىسقاننان كەيىن قولداۋ كورسەتتى.
ول ءوزىنىڭ Instagram الەۋمەتتىك جەلىسىندەگى پاراقشاسىندا ءانشىنىڭ شەبەرلىگىن جوعارى باعالاپ، ءبىر عانا بايقاۋدىڭ ونىڭ ونەرىنىڭ اۋقىمىن انىقتاي المايتىنىن ايتتى.
- ءسىز ءبىز ءۇشىن ءاردايىم جەڭىمپازسىز. بايقاۋدا جوعارى دەڭگەيدە ونەر كورسەتتىڭىز. ارينە، جەڭىس تە جەڭىلىس تە قاتار جۇرەدى. ءبىراق ءبىر بايقاۋ بارلىق ونەردىڭ ولشەمى ەمەس. ءسىزدىڭ ەرەك تالانتىڭىزدى ءبارىمىز قۇرمەت تۇتامىز. جارقىن جەڭىستەر ءالى دە الدا. سىزگە تەك مىقتى دەنساۋلىق، سارقىلماس كۇش-جىگەر مەن شىعارماشىلىق تابىس تىلەيمىن!، - دەپ جازدى ايدا بالايەۆا.
بۇل جاريالانىم، جازىلۋشىلار اراسىندا قىزۋ پىكىرتالاس تۋدىردى. كوپتەگەن ادام انشىگە قولداۋ ءبىلدىرىپ، Amre- ءنىڭ شىعارماشىلىعى قازاق ەلىنىڭ مادەني ومىرىندە ويىپ تۇرىپ الار ورنى بار ەكەنىن جەتكىزدى. ال ءارتىستىڭ ءوزى ونەرگە دەگەن ىنتا-ىقىلاسىمەن، تاباندىلىعىمەن ۇلگى بولاتىنى ايتىلعان.
ايتا كەتەيىك، بايقاۋدا Amre قازاق تىلىندە «دالانىڭ نۇرى» ءانىن ورىنداپ، العاشقى وندىققا كىردى. بايقاۋعا قاتىسۋشى ءاربىر ونەرپازدىڭ ەرەكشە ەكەنىنە قاراماستان قازاقستاندىق انشىلەر كورەرمەندەر تاراپىنان ەرەكشە قوشامەتكە يە بولدى.
Amre «سلاۆيانسكي بازار» بايقاۋىنىڭ جەڭىمپازى، مەملەكەتتىك «دارىن» سىيلىعىنىڭ لاۋرەاتى.
