ايبەك سمادياروۆ حاماس- تاعى اتىستاردىڭ توقتاۋىنا بايلانىستى پىكىر ءبىلدىردى

استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ يزرايل مەن حاماس اراسىنداعى تاتۋلىق تۋرالى مامىلەلەرگە قاتىستى قازاقستاننىڭ ۇستانىمىن ايتتى.

Хамас
Фото: ҚР СІМ

- ءبىز يزرايل مەن حاماس اراسىنداعى اتىستى توقتاتۋ تۋرالى كەلىسىمدى قۋاتتايمىز. سونىمەن قاتار، ەگيپەت جانە اق مەملەكەتتەرىنىڭ ارا اعايىندىق تالپىنىستارىن جوعارى باعالايمىز. بۇل كۇش قولدانۋدى توقتاتىپ، كەپىلدەگىلەردى بوساتۋعا، گازا سەكتورىنا گۋمانيتارلىق كومەك جەتكىزۋدى كۇشەيتۋگە جاسالعان ماڭىزدى قادام. قازىرگى جاعدايدا بۇل اۋاداي قاجەت شارالار. قازاقستان ءاردايىم بەيبىتشىلىك جاعىندا. بۇل كەلىسىمدەر قاقتىعىستى ەرتە رەتتەۋگە جاسالعان قادامداردىڭ نەگىزىن سالدى دەپ ۇمىتتەنەمىز، - دەدى ول Kazinform تىلشىسىنە.

ايبەك سمادياروۆ بۇل ماسەلەدە قازاقستان ب ۇ ۇ اياسىنداعى نەگىزگى شەشىمدەردى ۇستاناتىنىن ەسكە سالدى.

- قازاقستان پالەستين- يزرايل قاقتىعىسىن «ەكى حالىققا ەكى مەملەكەت» فورمۋلاسى نەگىزىندە شەشۋدى تاباندى تۇردە قولداپ كەلەدى. بۇل ەكى تاۋەلسىز مەملەكەت قۇرۋ كەرەك دەگەن ءسوز. پالەستيندىكتەر مەن يزرايلدىكتەر وسى ەكى مەملەكەتتە قاۋپىسىز ءارى بەيبىت ءومىر كەشە الار ەدى. ءبىز حالىقارالىق قاۋىمداستىقتىڭ ۇزاق مەرزىمگە بەيبىتشىلىك ورناتىپ، ادىلدىك قالىپتاستىرۋعا باعىتتالعان تالپىنىستارىن قولداۋعا دايىنبىز، - دەدى س ءى م رەسمي وكىلى.

ەسكە سالساق، ەكى كۇن بۇرىن يزرايل پرەمەر- ءمينيسترىنىڭ كەڭسەسى دەلەگاتسيالار دوحاداعى كەلىسسوزدەر كەزىندە اتىستى توقتاتۋ تۋرالى كەلىسىمگە قول قويعانىن رەسمي تۇردە راستادى.

ەسىمجان ناقتىباي

سوڭعى جاڭالىقتار