ايازدا اشىققان ءسىبىر ەلىكتەرى كوكشەتاۋ مەن اتباسار كوشەلەرىن كەزىپ ءجۇر
اقمولا وبلىسىندا اشىققان ءسىبىر ەلىكتەرى اداسىپ، ەلدىمەكەن كوشەلەرىندە ءجۇر، دەپ حابارلايدى Kazinform ءتىلشىسى.
الەۋمەتتىك جەلىدە كوكشەتاۋ، اتباسار قالالارىنىڭ كوشەلەرىندە، اۆتوكولىك جولدارىندا شاۋىپ جۇرگەن ەلىكتەردىڭ بەينەجازبالارى جەلدەي ەسىپ ءجۇر.
جەلى قولدانۋشىلاردىڭ سوزىنشە، جابايى جانۋارلاردىڭ قارنى اش، قىتىمىر ايازدا قورەك تابا الماي، ەلدى مەكەندەرگە كىرۋگە ءماجبۇر.
مىنا ءبىر بەينەجازبادا كوكشەتاۋ قالاسىنىڭ «سارىارقا» شاعىناۋدانىنداعى ۇيلەردىڭ اۋلاسىندا شاۋىپ بارادى.
Посмотреть эту публикацию в Instagram
ال 17№ ورتا مەكتەپتىڭ اۋماعىندا تەمىر شارباققا قىسىلىپ قالعان ەلىكتى تۇرعىندار قۇتقاردى.
Посмотреть эту публикацию в Instagram
بوساعان ەلىك ءوز جونىمەن شاۋىپ كەتە باردى. پاترۋلدىك پوليتسەيلەر جول قوزعالىسىن قامتاماسىز ەتۋ ءۇشىن جانۋاردى جولدان شىعارىپ سالدى.
Посмотреть эту публикацию в Instagram
ءسىبىر ەلىگى اتباسار اۋدانىندا دا بەينەجازباعا ءتۇسىپ قالدى. اتباسار قالاسىنىڭ كوشەسىندە دە اداسىپ قالعان ەلىكتىڭ لاعىن تۇرعىندار قىزىقتادى.
ايتا كەتسەك، بۇدان بۇرىن «بۋراباي» ۇلتتىق پاركىنىڭ قىزمەتكەرلەرى قىزىل كىتاپقا ەنگەن اققۋدى قۇتقارعان بولاتىن.
