اۆياتسيا سالاسىنىڭ وسكارى: FlyArystan ءتورتىنشى جىل قاتارىنان جەڭىمپاز
استانا. KAZINFORM - قازاقستاندىق FlyArystan اۋەكومپانياسى ءتورتىنشى رەت قاتارىنان Skytrax World Airline Awards سىيلىعىنىڭ «ورتالىق ازيا مەن ت م د- داعى ۇزدىك لوۋكوستەر» ساناتىندا جەڭىمپاز اتاندى.
ماراپاتتاۋ ءراسىمى 18-قىركۇيەكتە ۇلى بريتانيانىڭ لوندون قالاسىنداعى Langham قوناق ۇيىندە ءوتتى.
- FlyArystan اۋەكومپانياسىن 2026-جىلدىڭ قورىتىندىسى بويىنشا «ورتالىق ازيا مەن ت م د- داعى ۇزدىك لوۋكوستەر» ساناتىندا ءتورتىنشى رەت قاتارىنان جەتكەن جەڭىسىمەن قۇتتىقتايمىز. بۇل - ماراپات اۋەكومپانيانىڭ جولاۋشىلار اراسىنداعى بەدەلىنىڭ نىعايىپ، قىزمەت كورسەتۋ ساپاسىنىڭ جۇيەلى تۇردە ارتىپ كەلە جاتقانىنىڭ ايقىن دالەلى. FlyArystan باسشىلىعى مەن ۇجىمىنىڭ بۇل جەتىستىكپەن ماقتانۋىنا تولىق نەگىز بار، - دەپ اتاپ ءوتتى Skytrax كومپانياسىنىڭ باس ديرەكتورى ەدۆارد پلەيستەد.
FlyArystan اتالعان ماراپاتقا العاش رەت 2023-جىلى يە بولدى، 2024 جانە 2025-جىلدارى قايتادان وڭىردەگى ۇزدىك لوۋكوستەر اتاندى. ءتورتىنشى رەت قاتارىنان جەڭىسكە جەتۋ اۋەكومپانيانىڭ قولجەتىمدى اۋە تاسىمالى نارىعىنداعى ورنىنىڭ تۇراقتىلىعىن راستاپ، قىزمەت كورسەتۋ ساپاسى مەن قىزمەت كورسەتۋدەگى تاجىريبەسىنىڭ جوعارى باعالانعانىن كورسەتەدى.
- ءتورتىنشى جىل قاتارىنان ورتالىق ازيا مەن ت م د- داعى ۇزدىك لوۋكوستەر اتانۋ - ءبىز ءۇشىن ۇلكەن مارتەبە. بۇل ماراپات ۇجىمنىڭ كاسىبيلىگىن، ءوز ىسىنە ادالدىعىن جانە جولاۋشىلارىمىزعا باعدارلانعان ۇستانىمىن كورسەتەدى. لوۋكوستەر قىزمەتىندە ادامداردىڭ ءرولى ەرەكشە: قىزمەت كورسەتۋ ساپاسىن ايقىنداپ، ءبىزدىڭ باسەكەلەستىك ارتىقشىلىعىمىزدى قالىپتاستىراتىن - قىزمەتكەرلەر. وسى جەتىستىككە ۇلەس قوسقان ءاربىر قىزمەتكەرىمىزدى ماقتان تۇتامىن. ءبىز جولاۋشىلارىمىزعا قولجەتىمدى، جايلى ءارى ساپالى ساپار ۇسىنۋ ءۇشىن بىرلەسە جۇمىس ىستەۋدى جالعاستىرامىز، - دەدى «FlyArystan» ا ق پرەزيدەنتى جانە باس اتقارۋشى ديرەكتورى يوحان ەيدحاگەن.
FlyArystan-نىڭ حالىقارالىق دەڭگەيدە مويىندالۋى وپەراتسيالىق سەنىمدىلىكتىڭ جوعارى كورسەتكىشتەرىمەن دە تولىقتىرىلادى. 2026-جىلدىڭ جازعى ماۋسىمىندا اۋەكومپانيانىڭ رەيستەردى ۋاقىتىلى ورىنداۋ كورسەتكىشى %84 قۇرادى. بۇل Eurocontrol دەرەكتەرىنە سايكەس ماۋسىم-شىلدە ايلارىنداعى ەۋروپالىق اۋەكومپانيالارىنىڭ ورتاشا %70 كورسەتكىشىنەن جوعارى. مۇنداي ديناميكا FlyArystan-نىڭ وپەراتسيالىق سەنىمدىلىك پەن جولاۋشىلارعا قىزمەت كورسەتۋ ساپاسىن ارتتىرۋ باعىتىنداعى جۇيەلى جۇمىسىن كورسەتەدى.
World Airline Awards قانداي ماراپات
1999-جىلى Skytrax تاۋەلسىز زەرتتەۋ اگەنتتىگى قۇرعان World Airline Awards ماراپاتى الەمدىك اۆياتسيادا جولاۋشىلاردىڭ قاناعاتتانۋشىلىعىنىڭ ەڭ بەدەلدى كورسەتكىشتەرىنىڭ ءبىرى سانالادى جانە جيى «اۆياتسيا سالاسىنىڭ وسكارى» دەپ اتالادى. World Airline Awards 2026 ونلاين-ساۋالناماسى 2025-جىلعى قىركۇيەكتەن 2026-جىلدىڭ مامىرىنا دەيىن وتكىزىلدى جانە الەم بويىنشا 300 دەن استام اۋەكومپانياسىنا قىزمەت كورسەتۋ ساپاسىن باعالاعان 100 دەن استام ەلدەن رەسپوندەنتتەردى قامتىدى. Skytrax اۋەكومپانيالارىنان ەشقانداي تىركەۋ الىمدارىن نەمەسە ماراپاتتاردى پايدالانعانى ءۇشىن اقى الماي، زەرتتەۋ جانە ءراسىم جۇرگىزۋدى تولىق ءوز تاراپىنان قارجىلاندىرادى.
ايتا كەتەيىك، 1-ناۋرىزدان باستاپ FlyArystan بيۋجەتتىك اۋە كومپانياسىنىڭ پرەزيدەنتى لاۋازىمىنا يوحان ەيدحاگەننىڭ تاعايىندالعان بولاتىن.
