«ۇماي» يپوتەكاسى باستالادى. قالاي ءوتىنىم بەرۋگە بولادى؟

بۇعان دەيىن باعدارلامانىڭ العاشقى كەزەڭىن جۇزەگە اسىرۋعا 9 ميلليارد تەڭگە قاراستىرىلعان ەدى. قازىرگى ۋاقىتتا بۇل قاراجات تولىقتاي دەرلىك يگەرىلگەن.

العاشقى كەزەڭنىڭ قورىتىندىسى بويىنشا 420 ايەل باسپانالى بولدى. تاعى 230 عا جۋىق قاتىسۋشى وزىنە لايىقتى تۇرعىن ءۇي ىزدەپ ءجۇر.

ءبىرىنشى كەزەڭدە ءوتىنىم بەرىپ ۇلگەرمەگەن ايەلدەردىڭ سۇرانىسىن ەسكەرگەن وتباسى بانك ءوتىنىم قابىلداۋ مۇمكىندىكتەرىن كەڭەيتتى. ەندى «ۇماي» باعدارلاماسىنا ءۇش ءتاسىلدىڭ ءبىرى ارقىلى ءوتىنىم بەرۋگە بولادى:

1-ونلاين، بەينەقىزمەت كورسەتۋ ارقىلى

ءوتىنىمدى بانكتىڭ رەسمي سايتىنداعى «بەينەقىزمەت كورسەتۋ» سەرۆيسى ارقىلى ونلاين بەرۋگە بولادى. بۇل قىزمەت ارقىلى وپەراتوردان كەڭەس الىپ، باعدارلاماعا قاتىستى سۇراقتارعا جاۋاپ الۋعا مۇمكىندىك بار. ونلاين ءوتىنىم بەرۋ ءۇشىن ەلەكتروندىق قۇجاتتاردىڭ بولۋى جەتكىلىكتى.

2-وتباسى بانكىنىڭ كەڭەسشىلەرى ارقىلى

ءوتىنىم قابىلداۋ باستالعان كۇنى بانك كەڭەسشىسىنە بەينەبايلانىس ارقىلى نەمەسە جاقىن ماڭداعى كەڭەس بەرۋ ورتالىعىنا بارىپ جۇگىنۋگە بولادى. كەڭەسشىلەردىڭ ءتىزىمى وتباسى بانكىنىڭ رەسمي سايتىندا جاريالانعان.

3-بانك بولىمشەلەرى ارقىلى

قاتىسۋشىلار وتباسى بانكىنىڭ بولىمشەلەرىنە بارىپ، ءوتىنىمدى تىكەلەي تاپسىرا الادى.

- ماڭىزدى: كەڭەسشى تاڭداعان كەزدە ونىڭ كورسەتەتىن قىزمەتتەرى قاتارىندا «تولەم قابىلەتتىلىگىن الدىن الا باعالاۋ» جانە «نەسيە الۋعا ارنالعان قۇجاتتاردى قابىلداۋ» قىزمەتتەرى بار ەكەنىنە كوز جەتكىزۋ قاجەت.

بانك مالىمەتىنشە، «ۇماي» ايەلدەر يپوتەكاسىنىڭ نەگىزگى شارتتارى وزگەرىسسىز قالادى. باعدارلاماعا قاتىسۋ تالاپتارى مەن ءوتىنىم بەرۋگە دايىندىق جونىندەگى تولىق اقپارات الداعى ۋاقىتتا جاريالانادى.