اتىراۋلىق قاري قۇراندى جاتقا وقىپ، اۆتوكولىك ۇتىپ الدى

پاۆلودار. KAZINFORM - پاۆلودار قالاسىنداعى «ماشھۇر ءجۇسىپ» ورتالىق مەشىتىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇران كارىمدى جاتقا جانە مانەرلەپ وقۋدان ⅩⅢ رەسپۋبليكالىق بايقاۋى مارەسىنە جەتتى.

بۇل تۋرالى قازاقستان مۇسىلماندارى ءدىني باسقارماسىنىڭ باسپا ءسوز قىزمەتى ءمالىم ەتتى.

80 ۇمىتكەر قاتىسقان بايقاۋدىڭ جەڭىمپازدارى مەن جۇلدەگەرلەرىن ماراپاتتاۋ راسىمىنە ق م د ب ءتوراعاسى، باس ءمۇفتي ناۋرىزباي قاجى تاعان ۇلى، ساۋاپتى ءىس-شاراعا دەمەۋشىلىك جاساعان باحاريدين ابلازيموۆ، زيالى قاۋىم وكىلدەرى قاتىستى.

«قازاق ەلى ەرتەدەن قۇران دەسە قۇلاعى ءتۇرۋلى تۇراتىن، اللانىڭ ءسوزىن قۇرمەت تۇتاتىن حالىق. كىمنىڭ ۇيىنە بارساڭىز دا تورىندە قۇران ءىلۋلى تۇرادى، ال ونى بىرەۋ وقىسا، ۇيىپ تىڭدايدى. «اعراف» سۇرەسىندەگى: «قاشان قۇران وقىلسا، وعان قۇلاق سالىپ تىڭداڭدار دا ۇندەمەڭدەر. ارينە مەيىرىمگە بولەنەرسىڭدەر» دەگەن اياتقا امال ەتكەن اتا-بابامىزدىڭ جولى بىزگە دە ءناسىپ بولىپ وتىر. اللاعا سانسىز شۇكىر، ەلىمىزدە جىل ساناپ قاريلارىمىزدىڭ قاتارى ارتىپ كەلەدى. تاۋەلسىزدىك العان جىلدارى قۇران وقي الاتىن ادامدارعا توردەن ورىن بەرسەك، ودان كەيىن ونىڭ بىرنەشە پاراسىن جاتتاپ العان، تاعى ءبىر كەزەڭدە قۇراندى تولىق جاتتاعان قاريلارعا ايرىقشا قۇرمەت كورسەتىلدى. ال بۇگىنگى تاڭدا قۇران وقۋدان يجازاسى بار قاري كورسەك، جۇرەگىمىز ەلجىرەيدى. وسى بايقاۋدى وتكىزۋگە دەمەۋشى بولعان باحاريدين نۇعمان ۇلىنا، ءسادۋاقاس ولجابايەۆ قاريىمىز باستاعان ءادىلقازى مۇشەلەرىنە العىسىمدى بىلدىرەمىن. بايقاۋعا قاتىسقان قاريلارىمىزدىڭ ءبارى جەڭىمپاز اتاندى دەپ سانايمىن. ويتكەنى بۇل بايقاۋ ءاربىر قاريعا ۇلكەن جىگەر سىيلادى. جۇلدەلەرىڭىز قۇتتى بولسىن»، - دەدى باس ءمۇفتي ماراپاتتاۋ راسىمىندە.

سونىمەن قازىلار القاسىنىڭ شەشىمىمەن 4 اتالىم بويىنشا جەڭىس تۇعىرىنان كورىنگەن قاريلاردىڭ ءتىزىمى تومەندەگىدەي:

«مانەرلەپ وقۋ» بويىنشا:

I ورىن ( 700000 تەڭگە) - سالامات يمانعاليەۆ (اتىراۋ وبلىسى)

Ⅱ ورىن (500000 تەڭگە) - ءابىلقاسىم ءابدىراحمان ۇلى (قاراعاندى وبلىسى)

Ⅲ ورىن (300000 تەڭگە) - ءاليحان مۇراتوۆ (پاۆلودار وبلىسى)

«10 پارا» بويىنشا:

I ورىن (1500000 تەڭگە) - دىنمۇحامەد ابىشيەۆ (استانا قالاسى)

Ⅱ ورىن (1000000 تەڭگە) - مۇحامەدالي شاكىروۆ (الماتى وبلىسى)

Ⅲ ورىن (750000 تەڭگە) - نۇريسلام تۇراجانوۆ (تۇركىستان وبلىسى)

«20 پارا» بويىنشا:

I ورىن (3000000 تەڭگە) - ارسەن ەسىمبەك (قاراعاندى وبلىسى)

Ⅱ ورىن (2000000 تەڭگە) - اسادۋللا ەمينتايەۆ (شىمكەنت قالاسى)

Ⅲ ورىن (1500000 تەڭگە) - ماحمۇت مىرزاحمەت (تۇركىستان وبلىسى)

Iv ورىن (800000 تەڭگە) - ماحامبەت تاسبولاتوۆ (اقتوبە وبلىسى)

V ورىن (500000 تەڭگە) - ابدۋلباسيت ماۆۋ (جامبىل وبلىسى)

«30 پارا» بويىنشا:

I ورىن (اۆتوكولىك) - ءابىلقايىر جۇبان (الماتى قالاسى)

Ⅱ ورىن (4000000 تەڭگە) - ابدۋلازيز يلحامجانوۆ (شىمكەنت قالاسى)

Ⅲ ورىن (3000000 تەڭگە) - مانسۇرحان ءۋاليحان (استانا قالاسى)

Iv ورىن (1500000) - نۇرتىلەۋ سەيىتقاسىم (قاراعاندى وبلىسى)

V ورىن (1000000) - دياس ايتماحان (جامبىل وبلىسى)

ەسكە سالا كەتەيىك، ەكى كۇنگە سوزىلعان قۇران بايقاۋى «Munara TV» تەلەارناسىنان تىكەلەي ەفيردە جانە «مۋفتيات ق م د ب» YouTube-ارناسىنان ونلاين كورسەتىلدى.

اۆتور

باقىتگۇل اباي قىزى