اتىراۋلىق حاكەرگە 12 ەپيزود بويىنشا ايىپ تاعىلدى – ىشكى ىستەر مينيسترلىگى

- ول تۇلعا تۇركيا مەملەكەتىنەن ەكستراديتسيالاندى. قازىرگى تاڭدا الاياقتىققا قاتىستى 12 ەپيزود بويىنشا ايىپ تاعىلدى جانە سوت وندىرىسىندە. سول سەبەپتى، وكىنىشكە قاراي، مۇنان ارتىق اقپارات بەرە المايمىن. سەبەبى مەنىڭ قۇقىم جوق، - دەدى ءمينيستردىڭ ورىنباسارى ب ا ق وكىلدەرىنىڭ ساۋالىنا وراي.

2026 -جىلعى 9-قاڭتاردا اتىراۋ قالاسىنىڭ مامانداندىرىلعان تەرگەۋ سوتى كۇدىكتى ج. ن.-عا قاتىستى سىرتتاي قاماۋدا ۇستاۋ تۇرىندەگى بۇلتارتپاۋ شاراسىن سانكتسيالادى. سول كۇنى ول حالىقارالىق ىزدەۋگە جاريالاندى.

2026 -جىلعى 19-اقپاندا ينتەرپولدىڭ ۇلتتىق ورتالىق بيۋروسىنىڭ مالىمەتىنە سايكەس، كۇدىكتى تۇركيانىڭ سامسۋن قالاسىندا ۇستالدى.

ول hacker.atyrau پاراقشاسى ارقىلى قىزىلقوعا اۋدانى جانگەلدين اۋىلىندا جوعالعان وتباسى تۋرالى تىڭ دەرەكتەردى الەۋمەتتىك جەلىدە تاراتقان ەدى.

ەسكە سالساق، قىزىلقوعا اۋدانى جانگەلدين اۋىلىندا تۇراتىن وتباسى 2025 -جىلدىڭ سوڭىنا بەلگىسىز جاعدايدا جوعالىپ كەتكەن ەدى.

6-قاڭتاردا اتىراۋ وبلىسى اۋماعىنان جوعالعان وتباسىنىڭ ەكى مۇشەسىنىڭ - وتاعاسى ماقسوت قارابالين مەن ونىڭ جۇبايى ءناسىپ وتەشقاليەۆانىڭ دەنەسى سارايدان تابىلدى.

تەرگەۋ بارىسىندا سۇلتان سارسەماليەۆ ناۋرىز مۇقانعاليەۆتى مامىر ايىندا ءوزى قالادا جالعا العان ۇيىندە ءولتىرىپ، ءۇي ىرگەسىنە كومىپ تاستاعانى بەلگىلى بولعان. ال قاراشا ايىندا كۇدىكتى ءبىر پىشاقپەن ءۇش ادامدى ولتىرگەن. جانگەلدين اۋىلىنا بارعان كەزدە اتا-ەنەسى ماقسوت قارابالين مەن ءناسىپ وتەشقاليەۆانى ءولتىرىپ، ساراي ىشىنە كومىپ كەتكەن. ال مەيرامگۇل قارابالينانى اتىراۋدا ۋاقىتشا تۇرىپ جاتقان ۇيىنە اكەلىپ، پىشاق جاراقاتىن سالعان. سالدارىنان ول دا كوز جۇمدى.