اتىراۋلىق 5 جاسار شاحماتشى ەل چەمپيونى اتاندى

 Атырау облыстық дене шынықтыру, спорт және туризм басқармасы
فوتو: اتىراۋ وبلىستىق دەنە شىنىقتىرۋ، سپورت جانە تۋريزم باسقارماسى

اتىراۋ. KAZINFORM - اتىراۋدا ەڭ كىشكەنتاي شاحماتشى تۇرادى. اتى-ءجونى - سانجار ەرمەك. جاقىندا اقىلدىلار ويىنىنا دەن قويعان ول شاحماتتىڭ بليتس تۇرىنەن قازاقستان چەمپيونى اتاندى.

اتىراۋ وبلىستىق دەنە شىنىقتىرۋ، سپورت جانە تۋريزم باسقارماسىنىڭ باسپا ءسوز قىزمەتىنەن ءمالىم ەتكەندەي، 24-قاڭتار - 2-اقپان ارالىعىندا بالالار اراسىندا شاحماتتان ەل چەمپيوناتى شىمكەنت وتكەن.

 Атырау облыстық дене шынықтыру, спорт және туризм басқармасы
فوتو: اتىراۋ وبلىستىق دەنە شىنىقتىرۋ، سپورت جانە تۋريزم باسقارماسى

«چەمپتوناتقا ەلىمىزدىڭ بارلىق وڭىرىنەن 600 دەن استام بالا قاتىستى. اتىراۋلىق سانجار ەرمەك 6 جاستاعى بالالار اراسىندا شاحماتتىڭ بليتس تۇرىنەن باق سىنادى. بۇل سايىستا ول ەكى جۇلدەگە يە بولدى. شاحماتتىڭ بليتس تۇرىنەن ەل چەمپيونى اتاندى. ال كلاسسيكالىق شاحماتتان قولا جۇلدەگە يەلەندى»، - دەپ حابارلادى باسقارمانىڭ باسپا ءسوز قىزمەتى.

كىشكەنتاي شاحماتتى وتكەن جىلدىڭ ءساۋىر ايىندا اعاسى-اپكەسىمەن بىرگە «Guw chess» شاحمات كلۋبىنا قاتىسا باستاعان. مۇندا جاتتىقتىرۋشى ديليارا عابيتوۆادان شاحماتتىڭ قىر-سىرىن ۇيرەنىپ ءجۇر.

 Атырау облыстық дене шынықтыру, спорт және туризм басқармасы
فوتو: اتىراۋ وبلىستىق دەنە شىنىقتىرۋ، سپورت جانە تۋريزم باسقارماسى

«سانجار شاحماتتى قاتتى ۇناتتى. تەلەفونداعى ويىندارعا كوڭىل اۋدارمايدى. ول 6 ايدا جاقسى ناتيجە كورسەتىپ، 4 جانە 3 رازريادتى يەلەندى. بىلتىرعى قاراشا ايىندا 6 جاسقا دەيىن بالالار اراسىندا اتىراۋ وبلىسىنىڭ چەمپيونى اتانىپ، قازاقستان بىرىنشىلىگىنە جولداما الدى. «KSI chess Open» وبلىستىق تۋرنيرىنىڭ جەڭىمپازى اتاندى»، - دەيدى ديليارا عابيتوۆا.

ەسكە سالا كەتەلىك، بۇدان بۇرىن «اتىراۋ» فۋتبول كلۋبىنىڭ قۇرامى جاڭا ويىنشىلارمەن تولىققانىن حابارلاعان ەدىك.


اۆتور
جولداسبەك شوپەعۇل

سوڭعى جاڭالىقتار