اتىراۋداعى جىلىوي اۋدانىنان 35 مىڭعا جۋىق تۇرعىن ەۆاكۋاتسيالاندى
اتىراۋ. KAZINFORM - اتىراۋداعى جىلىوي اۋدانىنان 34998 تۇرعىن ەۆاكۋاتسيالاندى. ونىڭ دەنى - قۇلسارى قالاسىنىڭ تۇرعىندارى.
اتىراۋ وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ مالىمەتىنە قاراعاندا، جىلىوي اۋدانىندا اۆاريالىق-قۇتقارۋ جۇمىستارى ءۇزىلىسسىز جۇرگىزىلىپ جاتىر.
«جىلىوي اۋدانىنىڭ قۇلسارى قالاسىندا تۇرعىنداردى ەۆاكۋاتسيالاۋ كۇشەيتىلگەن تۇردە جۇزەگە اسىرىلۋدا. قۇتقارۋشىلار اۋىل تۇرعىندارىن جانە ولاردىڭ ءتورت تۇلىگىن قاۋىپسىز جەرگە كوشىرۋگە كومەك كورسەتىپ جاتىر. اۋداننان 9-ساۋىردەگى مالىمەتكە سايكەس، 34998 تۇرعىن ەۆاكۋاتسيالانىپ، قابىلداۋ پۋنكتتەرىنە ورنالاستىرىلدى. ونىڭ ىشىندە 7239 بالا بار. ەلدى مەكەندەر تۇرعىندارىنىڭ يەلىگىندەگى 19939 باس مال قاۋىپسىز جەرگە ايدالدى»، - دەپ حابارلادى دەپارتامەنتتىڭ قوعاممەن بايلانىس توبى.
قازىر جىلىوي اۋدانىنا ەلىمىزدىڭ ءار وڭىرىنەن گۋمانيتارلىق كومەك كەلىپ جاتىر. وسى كەزگە دەيىن جەتكىزىلگەن گۋمانيتارلىق كومەك 600 دەن استام توننانى قۇرايدى.
«سۋ استىندا قالعان تۇرعىن ۇيلەردىڭ، كاسىپكەرلىك سۋبەكتىلەرىنە يەلەرىنە، تۇرعىندارعا، كاسىپورىندار مەن مەكەمەلەردىڭ باسشىلارىنا سۋ باسقان اۋماقتارعا بارماۋدى سۇرايمىز. بۇل - توتەنشە جاعدايلار ورىن الماس ءۇشىن قاجەتتى قادام»، - دەپ ءمالىم ەتتى دەپارتامەنتتىڭ قوعاممەن بايلانىس توبىنان.
ەسكە سالا كەتەلىك، بۇدان بۇرىن اتىراۋ وبلىسىندا توتەنشە جاعداي جاريالاندى.
اتىراۋدىڭ جىلىوي اۋدانىنان ەۆاكۋاتسيالانعان حالىق سانى 31 مىڭنان اسقانىن جازعان بولاتىنبىز.
