اتىراۋدا تۇرعىن ۇيگە تەرەزەدەن كىرگەن كۇدىكتى 10,3 ميلليون تەڭگەنىڭ التىنىن ۇرلاعان

اتىراۋ. KAZINFORM - اتىراۋدا كۇدىكتى تۇرعىن ۇيگە تەرەزەدەن كىرىپ، 10,3 ميلليون تەڭگەنىڭ التىن بۇيىمدارىن ۇرلاپ كەتكەن.

кража
Фотоколлаж Polisia.kz

اتىراۋ وبلىستىق پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 35 جاستاعى جىگىت ۇرلىق جاساۋ ءۇشىن تۇرعىن ءۇيدىڭ تەرەزەسىنەن كىرگەن.

- پوليسيا قىزمەتكەرلەرى اتىراۋ قالاسىنداعى تۇرعىن ءۇيدىڭ پلاستيكالىق تەرەزەسىن ىعىستىرۋ تاسىلىمەن اشىپ، 10,3 ميلليون تەڭگەنىڭ التىن بۇيىمدارىن ۇرلاعان كۇدىكتىنى ۇستادى. تەكسەرۋ كەزىندە كۇدىكتىنىڭ ۇرلاعان التىن بۇيىمداردى قالا اۋماعىندا ورنالاسقان لومبارد مەكەمەلەرىنە تاپسىرعانى انىقتالدى. جابىرلەنۋشى لومبارد مەكەمەلەرىنەن زاتتاي دالەل رەتىندە الىنعان 7 دانا التىن بۇيىمنىڭ وزىنە تيەسىلى ەكەنىن راستادى، - دەپ حابارلادى دەپارتامەنتتىڭ باسپا ءسوز قىزمەتى.

قازىر اتالعان دەرەككە قاتىستى كەشەندى تەرگەۋ امالدارى باستالدى. سوتقا دەيىنگى تەرگەۋدى اتىراۋ قالالىق پوليتسيا باسقارماسىنىڭ №2 پوليسيا ءبولىمىنىڭ قىزمەتكەرلەرى قولعا الدى.

سوڭعى جاڭالىقتار