اتىراۋدا رەسەيدەن اكەلە جاتقان حيميكاتقا بەرىلگەن قورىتىندى كۇمان تۋدىردى

اتىراۋدا رەسەيدەن اكەلە جاتقان حيميكاتقا بەرىلگەن قورىتىندى كۇمان تۋدىردى، دەپ حابارلايدى Kazinform.

قۇرمانعازى اۋداندىق مەملەكەتتىك كىرىستەر باسقارماسىنىڭ باسشىسى ايبەك ساسپانوۆتىڭ ايتۋىنشا، رەسەيدەن كەلە جاتقان جۇك كولىكتەگى تاۋاردىڭ اراسىندا حيميكات بولعانى انىقتالعان.

«قازاقستان مەن رەسەي مەملەكەتتىك شەكاراسىنداعى ەكسپورتتىق-شەكارالىق باقىلاۋ ايماعىندا Volvo كولىگى تەكسەرىلدى. كولىك رەسەيدىڭ ۆولگوگراد وبلىسىنان قازاقستانداعى پاۆلودار وبلىسىنا باعىت العان. باسقارما قىزمەتكەرلەرى سالىقتىق-كەدەندىك باقىلاۋ جۇرگىزىپ، كولىك قۇرالىنداعى تاۋار ىشىنەن «سوبيراتەل DSB» حيميكاتىن انىقتادى. حيميكاتتىڭ سالماعى - 5600 كەلى، باعاسى - 2302300 تەڭگە. اتالعان تاۋار يندۋستريا جانە ينفراقۇرىلىمدىق دامۋ ءمينيسترىنىڭ 2023-جىلعى 9- ماۋسىمداعى 424№ بۇيرىعىمەن بەكىتىلگەن «وزىندىك ەرەكشەلىگى بار تاۋارلاردىڭ باقىلاۋ ءتىزىمىن بەكىتۋ تۋرالى» تىزىمگە كىرەدى. سول سەبەپتەن س ە ق ت ن كودى بويىنشا وزىندىك ەرەكشەلىگى بار تاۋارلاردى سايكەستەندىرۋ تۋرالى قورىتىندى تەكسەرىلدى»، - دەپ حابارلادى ايبەك ساسپانوۆ.

ونىڭ ايتۋىنا قاراعاندا، وسى قورىتىندىعا بايلانىستى كۇمان تۋىنداعان. سول سەبەپتەن قورىتىندىنىڭ جالعان نە جالعان ەمەستىگىن انىقتاۋ، پروتسەسسۋالدىق شەشىم قابىلداۋ ءتيىستى ماتەريالدار قۇرمانعازى اۋداندىق پوليتسيا بولىمىنە جولداندى.

ەسكە سالا كەتەلىك، بۇعان دەيىن اتىراۋدا اۆتومەكتەپ جالعان جۇرگىزۋشى كۋالىگىن تاراتتى دەگەن كۇدىككە ىلىنگەنىن جازعان ەدىك.