10:18, 27 - ءساۋىر 2024 | GMT +6
اتىراۋدا جول اپاتىنان موپەدتىڭ جاس ءوسپىرىم جولاۋشىسى مەرت بولدى
اتىراۋ. KAZINFORM - اتىراۋدا جول اپاتىنان موپەدتىڭ جاس ءوسپىرىم جولاۋشىسى مەرت بوودى. اتىراۋ قالالىق پوليتسيا باسقارماسىنىڭ مالىمەتىنشە، جول-كولىك وقيعاسى بۇگىن، 26-ساۋىردە بولعان.
«كەشە ساعات 18:30 شاماسىندا اتىراۋ قالاسىنداعى قۇرمانعازى-لۋگوۆايا كوشەلەرىنىڭ قيىلىسىندا جول-كولىك وقيعاسى تىركەلدى. Toyota Ipsum اۆتوكولىگىنىڭ رۋلىندەگى 1979-جىلعى جۇرگىزۋشى سولعا بۇرىلماق بولعان. سول كەزدە قارسى باعىتتا كەلە جاتقان موپەدپەن سوقتىعىستى. جول-كولىك وقيعاسىنىڭ سالدارىنان موپەدتىڭ جولاۋشىسى - 2008-جىلعى جاس ءوسپىرىم وقيعا ورنىندا قايتىس بولدى»، - دەپ حابارلادى پوليتسيا باسقارماسىنان.
قازىر جول اپاتىنا بايلانىستى ءتيىستى ءىس قۇجاتتارى جيناقتالىپ جاتىر.