اتىراۋدا شەتەل ازاماتىنان اقشا بوپسالاعان كۇدىكتىلەر ۇستالدى

  اتىراۋدا بەلگىسىز بىرەۋلەر شەتەل ازاماتىنان 1 ميلليون 100 مىڭ تەڭگە تالاپ ەتىپ، كۇش كورسەتكەن، دەپ حابارلايدى Kazinform.

اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، بوپسالاۋشىلار 15 -جەلتوقساندا ۇستالعان.

«ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل- ىزدەستىرۋ ءىس- شاراسىن جۇرگىزىپ، وزبەكستان رەسپۋبليكاسىنىڭ 30 جاستاعى ازاماتىن كۇش قولدانۋ ارقىلى زاڭسىز ۇستاعان كۇدىكتىلەردى ۇستادى. ولار اتىراۋ قالاسىنداعى جالدامالى پاتەرلەردىڭ بىرىندە شەتەلدىكتى ۇرىپ- سوعىپ، 1 ميلليون 100 مىڭ تەڭگەنى بوپسالاپ، بانك ەسەپشوتتارىنا اۋدارۋدى تالاپ ەتكەن. ءتۇرلى دەنە جاراقاتىن العان جابىرلەنۋشى اۋىر حالدە اۋرۋحاناعا جەتكىزىلگەن. كۇدىكتىلەر 1987 جانە 1991 -جىلعى وزبەكستان جانە قازاقستان رەسپۋبليكاسىنىڭ ازاماتتارى قاماۋعا الىندى»، - دەپ حابارلادى دەپارتامەنتتىڭ باسپا ءسوز قىزمەتى.

قازىر كۇدىكتىلەرگە قاتىستى قر قىلمىستىق كودەكسىنىڭ 194-بابىنىڭ 2-بولىگىمەن، 126-بابىنىڭ 2-بولىگىمەن سوتقا دەيىنگى تەرگەپ- تەكسەرۋ باستالدى. ۇستالعان كۇدىكتىلەرگە «كۇزەتپەن ۇستاۋ» تۇرىندەگى بۇلتارتپاۋ شاراسى قولدانىلدى. وزگە اقپارات ق ر قىلمىستىق- پروتسەستىك كودەكسىنىڭ 201-بابىنا سايكەس جاريالاۋعا جاتپايدى.

«قازاقستان رەسپۋبليكاسى كونستيتۋتسياسىنىڭ 77-بابى 3-تارماعىنىڭ 1-تارماقشاسى، ق ر قىلمىستىق- پروتسەستىك كودەكسىنىڭ 19-بابى 1-بولىگىنە سايكەس ادامنىڭ كىنالى ەكەندىگى زاڭدى كۇشىنە ەنگەن سوت ۇكىمىمەن تانىلعانشا ول جاسالعان قىلمىسقا كىنالى ەمەس دەپ ەسەپتەلەدى»، - دەپ ءمالىم ەتتى دەپارتامەنتتىڭ باسپا ءسوز قىزمەتىنەن.