اتىراۋدا بارد تابىلدى دوسىموۆتىڭ ەسكى «ۆولگاسى» رەستاۆراتسيادان وتكىزىلەدى

اتىراۋ. KAZINFORM - اتىراۋلىق بارد تابىلدى دوسىموۆتىڭ كوزى تىرىسىندە پايدالانعان «ۆولگا» كولىگى ءۇيىنىڭ اۋلاسىندا تۇر. ەندى ەسكى كولىكتى رەستاۆراتسيادان وتكىزۋ(قالپىنا كەلتىرۋ - رەد.) جوسپارلانعان.

تابىلدى دوسىموۆ - يندەر اۋدانىنىڭ تۋماسى. ول ءال-فارابي اتىنداعى قاز م ۋ-دىڭ جۋرناليستيكا فاكۋلتەتىن بىتىرگەنىمەن، قازاقتىڭ تالانتتى اقىندارى مۇقاعالي ماقاتايەۆ، فاريزا وڭعارسىنوۆا، ەسەنعالي راۋشانوۆ، سۆەتقالي نۇرجانوۆتىڭ ولەڭدەرىنە بىرنەشە ءان جازعان. سونداي-اق ءسوزىن دە، ءانىن دە وزى جازىپ، گيتارامەن ورىنداعان ءتول شىعارمالارى دا كوپ.

قازىر تانىمال كومپوزيتوردىڭ «ۇناتامىن مەن سەنى»، «بيىكتىك»، «سايگۇلىك» اندەرى ءجيى ورىندالادى. «اتىڭدى سەنىڭ ايتامىن ءان قىلىپ نەگە؟»، «قوزىم-اۋ» دەشى كۇلىمدەپ بايانداي ماعان، تىرلىكتى مىناۋ، جانىم-اي، ماڭگىلىك دەمە، ۇيىقتاپ كەتسەم ءبىر كۇنى، ويانباي قالام…» دەپ جىرلاعان تابىلدى دوسىموۆ 45 جاسىندا ومىردەن ءوتتى.

اتىراۋ وبلىسى اكىمىنىڭ ورىنباسارى دارىن شامۇراتوۆتىڭ ايتۋىنشا، اقىن ءارى كومپوزيتوردىڭ شىعارماشىلىعىن دارىپتەۋ، جاس ۇرپاققا كەڭىنەن ناسيحاتتاۋ كوزدەلىپ وتىر.

- بيىل قازاقتىڭ تۇڭعىش بارد-اقىنى تابىلدى دوسىموۆتىڭ تۋعانىنا 60 جىل تولادى. وسىعان وراي وبلىس اكىمى سەرىك شاپكەنوۆتىڭ تاپسىرماسىمەن اقىن مىنگەن «ۆولگا» اۆتوكولىگى رەستاۆراتسيادان وتەتىن بولادى. بۇل يگى ءىستى وبلىس اكىمىنىڭ ورىنباسارى قايرات نۇرتايەۆپەن بىرگە جۇزەگە اسىرامىز، - دەيدى دارىن شامۇراتوۆ.

اۆتور

جولداسبەك شوپەعۇل