اتىراۋدا بالىق قورعاۋ سالاسىنىڭ 2 ينسپەكتورى ۇستالدى

اتىراۋ. KAZINFORM - اتىراۋدا بالىق قورعاۋ سالاسىنىڭ ەكى ينسپەكتورى بەكىرەمەن ۇستالعان.

بۇل دەرەكتى اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتى راستادى.

«قازىر ق ر قىلمىستىق كودەكسىنىڭ 339-بابىنىڭ 2-بولىگىنە سايكەس 3 كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەردەن 18,5 كەلى بەكىرە تۇقىمداس بالىق تاركىلەندى. ءۇشىنشى كۇدىكتى - جەكە تۇلعا»، - دەپ حابارلادى دەپارتامەنتتىڭ باسپا ءسوز قىزمەتى.

ەلىمىزدىڭ باتىسىنداعى ءۇش ءوڭىر - ماڭعىستاۋ، اتىراۋ جانە باتىس قازاقستان وبلىسىندا «بەكىرە» كەڭ اۋقىمداعى بالىق قورعاۋ اكتسياسى ءوتىپ جاتىر. 1-ساۋىردە باستالعان بۇل اكسيا 31-مامىرعا دەيىن جالعاسادى.

«ءىس- شاراعا بايلانىستى زاڭسىز بالىق اۋلاۋدىڭ جولىن كەسۋ ءۇشىن جىلجىمالى موبيلدىك توپتار قۇرىلدى. بۇل ەركىنقالا ەلدى مەكەنى ارقىلى كاسپيي تەڭىزىنە شىعا بەرىسىندە، جايىق وزەنى بويىنداعى «پەشنوي» ارالىندا، ەركىنقالا، دامبى، العاباس ەلدى مەكەنىنا قاتىنايتىن اينالما جولدا اۆتوكولىك قۇرالدارىنىڭ قوزعالىسىنا باقىلاۋ جۇرگىزۋدى قولعا الدى»، - دەپ ءمالىم ەتتى دەپارتامەنتتىڭ باسپا ءسوز قىزمەتى.

ەسكە سالا كەتەلىك، بۇدان بۇرىن «بەكىرە - 2024» اكسياسى اياسىندا 454 كەلى بەكىرە، 5 كەلى قاراۋىلدىرىق تاركىلەنگەنىن جازعان ەدىك.