اتىراۋدا 9 جاستاعى قىزدان جىن شىعارماق بولعان ەمشى جاۋاپقا تارتىلادى
استانا. KAZINFORM - اتىراۋدا كەيقۋات وسپانوۆ ەسىمدى ازامات الەۋمەتتىك جەلىدەگى پاراقشاسىندا يسلام مەديتسيناسىمەن ەمدەيتىنىن اشىق كورسەتىپ، سەانستارىن پاراقشاسىنا جۇكتەگەن. قازىر ەمشىگە قاتىستى ءىس تەرگەلىپ جاتىر. بۇل تۋرالى باس پروكۋروردىڭ ورىنباسارى عالىمجان قويگەلديەۆ ءمالىم ەتتى.

- بۇل ءىس بويىنشا تەكسەرۋ ءجۇرىپ جاتىر. قازىر ەمشىنى اكىمشىلىك جاۋاپكەرشىلىككە تارتۋ ماسەلەسى قاراستىرىلۋدا، - دەپ قىسقا قايىردى عالىمجان قويگەلديەۆ ءماجىلىس وتىرىسىنان كەيىن وتكەن باسپا ءسوز ءماسليحاتىندا.
سونداي-اق ب ا ق وكىلدەرى ەمشىنىڭ نەلىكتەن قىلمىستىق جاۋاپقا تارتىلمايتىنى تۋرالى سۇرادى.
- مەنىڭ بىلۋىمشە، بالانىڭ اتا-اناسىنان شاعىم بولعان جوق، - دەيدى ول.
ەسكە سالا كەتسەك، الەۋمەتتىك جەلىدە يسلام مەديتسيناسىمەن جىن شىعارعان ەمشى كەيكۋات وسپانوۆتىڭ ارەكەتى تالقىعا ءتۇسىپ جاتقانى جايلى حابارلاعان ەدىك.
بەلگىلى بولعانداي، بالالاردان جىن شىعاراتىن ەمشى بۇرىن اتىراۋداعى مەشىتتىڭ كۇزەتشىسى بولعان.
سونداي-اق، اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتى الەۋمەتتىك جەلىدە تاراعان ۆيدەو تەكسەرىلىپ جاتقانىن حابارلادى.
كەيىن بالالاردىڭ قۇقىعىن قورعاۋ كوميتەتىنەن جىن شىعاراتىن ەمشىدە بولعان 9 جاستاعى قىز پسيحولوگيالىق كومەك الىپ جاتقانىن ءمالىم ەتىلدى.