اتىراۋدا ءتورت ەر ادام ىزدەستىرىلىپ جاتىر

ىزدەۋدە جۇرگەندەردىڭ ءبىرى - 1991-جىلى تۋعان قۋاندىق شۋكراليەۆ. ول 2026 -جىلى 11-اقپاندا اتىراۋ وبلىسى قىزىلقوعا اۋدانى، ميالى اۋىلىنداعى مولتەك ىقشاماۋدانى، 5-كوشەدەگى ۇيىنەن شىعىپ، وسى ۋاقىتقا دەيىن ورالماعان.

قۋاندىق شۋكراليەۆتىڭ بويى 170-175 سانتيمەتر، دەنە ءبىتىمى ورتاشا، شاشى قارا ءتۇستى، قىسقا، ساقالى بار. ۇيدەن شىققان كەزدە سۇر ءتۇستى فۋتبولكا جانە كوك ءتۇستى سپورتتىق شالبار كيگەن.

سونىمەن قاتار 1956-جىلى تۋعان اسكار ۋتەشوۆ دا ىزدەستىرىلۋدە. ول 2020 -جىلدىڭ 15-شىلدەسىندە اتىراۋ وبلىسى يندەر اۋدانى، جارسۋات اۋىلىنا قاراستى شارۋاشىلىقتا مال باعىپ ءجۇرىپ، بەلگىسىز باعىتقا كەتىپ، سودان بەرى ورالماعان.

اسكار ۋتەشوۆتىڭ بويى 158-160 سانتيمەتر، دەنە ءبىتىمى ورتاشا ارىقشا، شاشى قارا ءتۇستى، قىسقا. ۇستىندە قارا ءتۇستى بورىك، كوك ءتۇستى سپورتتىق كۇرتەشە جانە قارا ءتۇستى سپورتتىق اياق كيىم بولعان.

ىزدەۋدەگى ءۇشىنشى ازامات - 1987 -جىلى تۋعان سەرگەي مەنيايلو. ول 2026 -جىلعى 23-ماۋسىمدا اتىراۋ قالاسىنداعى ح. دوسمۇحامەدوۆ كوشەسى، 76ا مەكەنجايىنان بەلگىسىز باعىتقا شىعىپ، وسى ۋاقىتقا دەيىن ورالماعان.

سەرگەي مەنيايلونىڭ بويى 170-175 سانتيمەتر، دەنە ءبىتىمى ورتاشا، شاشى قارا ءتۇستى، قىسقا. ول اق ءتۇستى جەيدە، قارا ءتۇستى شالبار، قارا ءتۇستى اياق كيىم جانە قارا ءتۇستى سپورتتىق باس كيىم كيگەن.

ىزدەۋدە جۇرگەن ءتورتىنشى ازامات - 1980 -جىلى تۋعان ازامات ابەنوۆ. ول بيىل 17 -شىلدەدە اتىراۋ قالاسىنا قاراستى دامبى اۋىلىنداعى ماحمۋت كوشەسى، 12-مەكەنجايدان بەلگىسىز باعىتقا كەتىپ قالعان.

ازامات ابەنوۆتىڭ بويى 180-185 سانتيمەتر، دەنە ءبىتىمى ارىقشا. ۇيدەن شىققان كەزدە اقشىل ءتۇستى باس كيىم (بەيسبولكا)، تور كوزدى كويلەك جانە قوڭىر ءتۇستى شالبار كيگەن.

- قازىرگى ۋاقىتتا جان-جاقتى ىزدەستىرۋ جۇمىستارى جۇرگىزىلۋدە. قانداي ءدا بىر اقپارات بىلسەڭىز، 102 نەمەسە 982128، 77071454115 نومىرىنە حابارلاسۋىڭىزدى سۇرايمىز. مەكەن-جايىمىز: ءابىلحايىر حان داڭعىلى 55، № 244 كابينەت، - دەپ حابارلادى اتىراۋ وبلىسى پوليتسيا دەپارتامەنتى.