اتىراۋ پوليسەيلەرى بىلتىر وزەندەگى مۇز استىنا قۇلاعان 12 ادامدى قۇتقارعان
اتىراۋ. KAZINFORM - اتىراۋ وبلىسىنىڭ پوليسەيلەرى بىلتىر وزەندەردەگى مۇز ويىلىپ، سۋعا قۇلاعان 12 ادامدى قۇتقارىپ قالعان.
اتىراۋ وبلىستىق پوليسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، سۋ ايدىندارىنداعى قاۋىپسىزدىكتى ساقتاۋعا بايلانىستى ءىس- شارالار كۇشەيتىلگەن.
- وتكەن جىلعى قىستا پوليسەيلەر مۇز ويىلىپ، سۋعا قۇلاعان 12 ادامدى قۇتقارىپ قالدى. بيىل اۋا-رايى قۇبىلمالى اۋا رايىنا بايلانىستى جازاتايىم وقيعالاردىڭ الدىن الۋ ءۇشىن جايىق وزەنىنىڭ جاعالاۋىندا پاترۋلدەۋدى قولعا الىندى. توتەنشە جاعدايلار دەپارتامەنتىنىڭ قىزمەتكەرلەرىمەن بىرگە اۋەسقوي بالىقشىلارعا قاۋىپتى تۇستاردان بالىق اۋلاۋعا تىيىم سالىناتىنىن، مۇز ۇستىندە جۇرگەن تۇرعىندارعا قاۋىپسىزدىكتى ساقتاۋ تۋرالى ءتۇسىندىرۋ جۇمىسى جۇرگىزىلىپ جاتىر، - دەپ حابارلادى دەپارتامەنتتىڭ باسپا ءسوز قىزمەتى.
پوليسيا دەپارتامەنتىنىڭ مالىمەتىنشە، قازىر جايىق وزەنىندە قاتقان مۇز اسا قالىڭ ەمەس. كەي تۇسىندا ادامنىڭ سالماعىن كوتەرمەۋى مۇمكىن.
- جايىق وزەنىنىڭ ەسكەرتۋ بەلگىلەرى ورناتىلعان تۇستىنان مۇز ۇستىنە شىققان تۇرعىندارعا اكىمشىلىك جاۋاپكەرشىلىك كوزدەلگەنى ەسكەرتىلدى. اسىرەسە كامەلەتكە تولماعان بالالاردى وزەنگە، مۇز ۇستىمەن وتۋگە جىبەرمەۋ قاجەت، - دەپ ءمالىم ەتتى دەپارتامەنتتىڭ باسپا ءسوز قىزمەتى.
ەسكە سالا كەتەلىك، بۇدان بۇرىن جاڭا جىل تۇنىندە 15 اتىراۋلىق وتباسىنىڭ شىرقىن بۇزعانىن حابارلاعان ەدىك.
