اتىراۋ وبلىسىندا قۋاتى 1,25 ميلليون توننا پوليەتيلەن وندىرەتىن گاز- حيميا كەشەنى سالىنادى

Қытай мен Қазақстан
Фото: Виктор Федюнин/ Kazinform

 استانا. KAZINFORM - قازاقستان مەن قىتاي - شيكىزات ءوندىرىسى مەن تاسىمالىندا بەلسەندى وداقتاس. كورشى ەل ءۇشىن شيكىزات كوزدەرى ەكونوميكانىڭ باستى قوزعاۋشى كۇشى سانالاتىنى بەلگىلى.

2-شىلدەدە استانادا وتكەن قازاقستان-قىتاي ىسكەرلىك كەڭەسىنىڭ 7- وتىرىسىندا بىرنەشە كوممەرتسيالىق قۇجاتقا قول قويىلدى. سولاردىڭ ءبىرى - تەرەفتال قىشقىلىن ءوندىرۋ جوباسىنىڭ الدىن الا تەحنيكالىق- ەكونوميكالىق نەگىزدەمەسىن ازىرلەۋ جونىندە «قازمۇنايگاز» ۇ ك» ا ق مەن SINOPEC اراسىنداعى كەلىسىم.

ەندى تاراپتار كوپ ۇزاماي اتىراۋ وبلىسىندا «سيللەنو» جوباسىن باستايدى. قۋاتى 1,25 ميلليون توننا پوليەتيلەن وندىرۋگە جەتەتىن العاشقى ينتەگراتسيالانعان گاز- حيميا كەشەنىن سالۋ ءۇشىن تۇپكىلىكتى ينۆەستيتسيالىق بيۋدجەتتى كەلىسۋ نيەتىن راستادى. قۇجاتقا «قازمۇنايگاز» ۇ ك ا ق باسقارما ءتوراعاسى اسحات حاسەنوۆ، «سيبۋر» ج ش ق باسقارما ءتوراعاسى - باس ديرەكتورى ميحايل كاريسالوۆ جانە Sinopec ديرەكتورلار كەڭەسىنىڭ ءتوراعاسى يۋنشەن ما قول قويعان.

بۇل جوبا مۇناي-گاز حيمياسى سالاسىن دامىتۋداعى ماڭىزدى قادام بولعالى تۇر. ونى ىسكە اسىرۋ ەل ەكونوميكاسىنا مۋلتيپليكاتيۆتى اسەر بەرىپ، جالپى ىشكى ءونىم كورسەتكىشىنىڭ 1,2 پايىزعا وسۋىنە مۇمكىندىك بەرمەك.

سونداي- اق پوليەتيلەننەن جاسالعان بۇيىمدار ءوندىرۋ سالاسىندا شاعىن جانە ورتا بيزنەس ءۇشىن جاڭا مۇمكىندىكتەر اشىلادى. سايىپ كەلگەندە، ەل ەكونوميكاسىن دامىتۋعا ۇلكەن سەرپىن بولۋعا ءتيىس. ماسەلەن، قۇرىلىس كەزەڭىندە بارلىعى 8 مىڭعا جۋىق، زاۋىت ىسكە قوسىلعاندا 800 گە جۋىق جاڭا جۇمىس ورنى اشىلادى دەپ جوسپارلانعان. پوليەتيلەن كۇندەلىكتى ومىردە، قۇرىلىس سالاسىنان باستاپ مەديتسينا بۇيىمدارىن جاساۋدا ءجيى قولدانىلادى.

كەزەكتى قۇجات - «CASPI BITUM» ب ك» ج ش س زاۋىتىنىڭ مۇناي وڭدەۋ قۋاتىن جىلىنا 1,5 ميلليون تونناعا دەيىن جەتكىزۋ جوباسىن ىلگەرىلەتۋ جونىندە «قازمۇنايگاز» ۇ ك» ا ق مەن CITIC Group اراسىنداعى ءوزارا كەلىسىم. قوس تاراپ قازىر جوبالاۋ جۇمىستارىن باستاپ كەتكەن.

«قازمۇنايگاز» باسپا ءسوز قىزمەتىنىڭ دەرەگىنشە، ۇلتتىق كومپانيانىڭ باسقارما ءتوراعاسى اسحات حاسەنوۆ CITIC Group قىتاي كومپانياسىنىڭ ديرەكتورلار كەڭەسىنىڭ ءتوراعاسى شي گۋوحۋامەن جانە CITIC Resources Holdings Limited باس اتقارۋشى ديرەكتورى حاو ۆەيباومەن كەزدەسىپ، ماسەلەنى جان-جاقتى تالقىلاعان.

وتكەن جىلى قىتايدىڭ NJPEC ينستيتۋتى جوبا بويىنشا الدىن الا تەحنيكالىق- ەكونوميكالىق نەگىزدەمە ازىرلەپ، زاۋىتتىڭ تەحنيكالىق اۋديتىن جۇرگىزگەن. بيىل مامىردا قۇرىلىس بويىنشا رس- كەلىسىمشارت جاسالىپتى. زاۋىت 2025 -جىلى ىسكە قوسىلماق.

سوڭعى جاڭالىقتار