اتىراۋ وبلىسىندا جىل باسىنان بەرى جول اپاتىنان 11 ادام مەرت بولدى

Жол апаты
Фото: Ақтөбе облыстық прокуратурасының баспасөз қызметі

اتىراۋ. KAZINFORM - اتىراۋ وبلىسىندا جىل باسىنان بەرى 50 جول-كولىك وقيعاسى تىركەلگەن. جول اپاتىنان 11 ادام ءجانتاسىلىم ەتكەن.

اتىراۋ وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بيىلعى 1-اقپاننان بەرى ءتارتىپ ساقشىلارى «كيبەر- شەريف» بورتتىق اقپاراتتىق باعدارلاماسى بار 28 كولىكپەن جول قوزعالىسى ەرەجەسىنىڭ ساقتالۋىنا باقىلاۋ جاسايدى.

«اتالعان قۇرىلعىمەن 1 اي 18 كۇندە جىلدامدىقتى شامادان تىس اسىرعان 16 مىڭنان استام قۇقىق بۇزۋشىلىق انىقتالدى. ال، 1-ناۋرىزدان بەرى رەسپۋبليكالىق ماڭىزى بار تاس جولداردا 15 «ترافيك- سكانەر»، 8 «وراكۋل- ينسايت» جىلدامدىق ولشەيتىن قۇرالدارى ىسكە قوسىلدى. كولىك جىلدامدىعىن اۆتوماتتى تۇردە انىقتايتىن ترافيك- سكانەر قۇرالى جول اپاتى ءجيى بولۋى مۇمكىن 15 ورىندا ورناتىلعان. قۇرىلعىلاردى بۇزىپ كەتپەۋ ءۇشىن قوسىمشا بەينەباقىلاۋ كامەرالارى جەدەل باسقارۋ ورتالىعىنا قوسىلدى. ال، ارنايى كولىكتىڭ سالونىنداعى «وراكۋل- ينسايت» قۇرىلعىسى قۇقىق بۇزۋشىلىقتى جاسىرىن تۇردە انىقتاۋعا ارنالعان»، - دەپ حابارلادى دەپارتامەنتتىڭ باسپا ءسوز قىزمەتى.

الايدا، وڭىردە جول-كولىك وقيعاسى ءالى ازايماي وتىر. ماسەلەن، بيىل جىل باسىنان بەرى 50 جول- كولىك وقيعاسىن تىركەلگەن.

«اتىراۋ وبلىسىنىڭ اۋماعىندا جىل باسىنان بەرى جول- كولىك وقيعاسىنان 11 ادام قازا تاپتى. ال، 56 ادام ءتۇرلى دەنە جاراقاتىن الىپ، زارداپ شەكتى. اتىراۋ قالاسىنىڭ اۋماعىندا تەك ناۋرىز ايىندا 2 ءىرى جول- كولىك وقيعاسى تىركەلىپ، 6 ادام كوز جۇمدى»، - دەپ ءمالىم ەتتى دەپارتامەنتتىڭ باسپا ءسوز قىزمەتى.

سوڭعى جاڭالىقتار