اتىراۋ وبلىسىندا جىل باسىنان بەرگى 1 ايدا جول اپاتىنان 7 ادام مەرت بولعان

اتىراۋ. KAZINFORM - اتىراۋ وبلىسىندا جىل باسىنان بەرگى 1 ايدا جول اپاتىنان 7 ادام كوز جۇمعان. بۇل دەرەك ءتارتىپ ساقشىلارىن الاڭداتىپ وتىر.

жол апаты
فوتو: اتىراۋ وبلىستىق پوليتسيا دەپارتامەنتى

اتىراۋ وبلىستىق جەرگىلىكتى پوليتسيا قىزمەتى باسقارماسى باستىعىنىڭ ورىنباسارى ادىلبەك شاحمەتوۆتىڭ ايتۋىنشا، ءتارتىپ ساقشىلارى تاۋلىك بويى جول قاۋىپسىزدىگىن قاداعالاۋدى قولعا العان.

- جۇرگىزۋشىلەرگە ساقتىق شارالارى تۋرالى ۇدايى ءتۇسىندىرۋ جۇمىسى جۇرگىزىلگەنىنە قاراماستان، جىل باسىنان بەرى جول اپاتىنىڭ سالدارىنان 7 ادام قازا تاپتى. ونىڭ ىشىندە جاسوسپىرىمدەردىڭ قاتىسۋىمەن بولعان جول-كولىك وقيعاسى بار. پوليتسيا دەپارتامەنتىنىڭ قىزمەتكەرلەرى جول بويىنداعى قايعىلى جاعدايلاردىڭ الدىن- الۋ ءۇشىن پروفيلاكتيكالىق ءىس-شارالارعا باسىمدىق بەرىپ وتىر، - دەپ حابارلادى ادىلبەك شاحمەتوۆ.

ونىڭ ايتۋىنا قاراعاندا، جولداعى قاۋىپسىزدىكتى ساقتاۋ ماقساتىندا مەكتەپتەردە وكۋشىلارمەن جانە اتا-انالارمەن جيىن وتكىزىلگەن.

- اتىراۋ كالاسىنان 4 باعىتقا شىعاتىن تۇستا كولىك جۇرگىزۋشىلەرىنە جول اپاتىنىڭ بەينەروليكتەرى كورسەتىلىپ، كەمپينگتەردە قاۋىپسىزدىك تالاپتارى ءتۇسىندىرىلدى. حالىقارالىق باعىتقا قاتىنايتىن اۋىر جۇك كولىكتەرىنىڭ جۇرگىزۋشىلەرىنە شەپ بەكەتتەرىنەن وزگە وبلىستارداعى قولايسىز اۋا رايى، جول قوزعالىسى تۋرالى كەڭەس بەرىلدى، - دەيدى ادىلبەك شاحمەتوۆ.

سونداي-اق، اتىراۋ قالاسىنىڭ كوشەلەرىندە جول اپاتىنان جارامسىز بولىپ قالعان كولىكتەر كورسەتىلگەن. جول ەرەجەسىن ساقتاپ، ءوزىنىڭ جانە جولاۋشىلاردىڭ ومىرىنە نەمقۇرايلى قارامايتىن جۇرگىزۋشىلەرگە ەستەلىك سىيلىقتار بەرىلگەن.

اۆتور

جولداسبەك شوپەعۇل

 

سوڭعى جاڭالىقتار