اتىراۋ وبلىسىندا ءۇي ارالاپ جۇرگەن ۋچاسكەلىك پوليتسەي 70 جاستاعى قاريانى ورتتەن الىپ شىقتى
اتىراۋ. KAZINFORM - اتىراۋ وبلىسىنداعى قۇلسارى قالاسىندا تۇرعىن ءۇي ورتەندى. پوليتسيا قىزمەتكەرى ورتتەن 70 جاستاعى قاريانى الىپ شىقتى.
اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، ءورت 1-اقپاندا بولعان.
- جىلىوي اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى، پوليتسيا مايورى ءبىرجان زينۋللين «قارۋ» جەدەل ءىس-شاراسى كەزىندە تۇرعىندارعا قارۋ ساقتاۋدىڭ ەرەجەسىن ءتۇسىندىرىپ جۇرگەن. ول تۇرعىن ءۇيدىڭ بىرىندەگى ءورتتى بايقاپ، جەدەل كومەككە ۇمتىلعان. تۇتىنگە ورانعان ءۇي ىشىنەن 70 جاستاعى قاريانى قاۋىپسىز جەرگە الىپ شىقتى. كەيىن ءورتتى ءسوندىردى، - دەپ حابارلادى دەپارتامەنتتىڭ باسپا ءسوز قىزمەتى.
ەگدە جاستاعى ەر ادام جەدەل-جاردەم بريگاداسىنىڭ كولىگىمەن اۋداندىق ورتالىق اۋرۋحاناعا جەتكىزىلگەن. ونىڭ دەنەسىن كۇيىك شالعان.
ەسكە سالا كەتەلىك، بۇعان دەيىن اتىراۋلىق پوليتسەي جانارماي بەكەتىندە ورتەنگەن كولىكتى سوندىرگەنىن حابارلاعان بولاتىنبىز.
اۆتور
جولداسبەك شوپەعۇل
