اتىراۋ وبلىسىندا بىلتىر 2253 ايەل تۇسىك جاساتقان

اتىراۋ. KAZINFORM - اتىراۋ وبلىسىندا سوڭعى ءۇش جىلدا تۇسىك جاساتقان ايەلدەر سانى ارتقان. بىلتىر 2253 ايەل وسىنداي قادامعا بارعان.

اتىراۋ وبلىستىق پەريناتالدىق ورتالىقتىڭ ديرەكتورى قازبەك ەرماعامبەتوۆتىڭ ايتۋىنشا، بۇعان الەۋمەتتىك جانە دەنساۋلىقتاعى كىنارات سەبەپ بولۋى مۇمكىن. نەكەسىز جۇكتىلىك تە وسىندا قادامعا بارۋعا ءماجبۇر ەتەدى.

«ماسەلەن، 2021 -جىلى - 1951، 2022 -جىلى - 1815، ال، بىلتىر 2253 ايەل جاساندى تۇسىك جاساتۋىڭا شەشىم قابىلدادى. ال، 18 جاسقا دەيىنگى جاس وسپىرىمدەر اراسىندا تۇسىك جاساتۋ دەرەگى 2،5 ەسەگە ازايدى. ستاتيستيكالىق مالىمەتكە سايكەس، 2021 -جىلى - 13، 2022 -جىلى - 14، وتكەن جىلى 5 جاس ءوسپىرىم تۇسىك جاساتتى»، - دەيدى قازبەك ەرماعامبەتوۆ.

ونىڭ پىكىرىنشە، مەكتەپتە كامەلەتكە تولماعاندار اراسىندا ەرتە جۇكتىلىككە قارسى ءتۇسىندىرۋ جۇمىسىنىڭ ماڭىزى زور.

«ايەل ءۇشىن جۇكتىلىك، ومىرگە بالا اكەلۋ - ۇلكەن وقيعا. سول سەبەپتەن، ءبىز قىزدارىمىزدى ەرتە جۇكتىلىكتەن، تۇسىك جاساتۋدىڭ ىقتيمال سالدارىنان قورعاۋىمىز قاجەت. ويتكەنى، ايەل تۇسىك جاساتقاننان كەيىن كۇيزەلىسكە ۇشىرايدى. بۇل دەموگرافياعا كەرى اسەر ەتەدى»، - دەيدى قازبەك ەرماعامبەتوۆ.

ەسكە سالا كەتەلىك، بۇدان بۇرىن «اڭساعان ءسابي» باعدارلاماسىمەن بيىل اتىراۋلىق انالارعا 232 كۆوتا بولىنگەنىن حابارلاعان بولاتىنبىز.

اۆتور

جولداسبەك شوپەعۇل