اتىراۋ وبلىسىنا ءۇش ايدا 32 مىڭنان استام تۋريست كەلگەن
اتىراۋ. KAZINFORM - اتىراۋ وبلىسىنا ءۇش ايدا 32 مىڭنان استام تۋريست كەلگەن. تۋريستەردىڭ اراسىندا 5 مىڭنان استام شەتەلدىك بار.
اتىراۋ وبلىستىق دەنە شىنىقتىرۋ، سپورت جانە تۋريزم باسقارماسى ءتۋريزمدى دامىتۋ ءبولىمى باسشىسىنىڭ مىندەتىن اتقارۋشى جاننات سابىرعالييەۆانىڭ ايتۋىنشا، 200-دەن استام تۋريستىك مەكەمە تىركەلگەن. ونىڭ ىشىندە 127 ورنى بار. ال، 41 نىساندا جول بويىنداعى سەرۆيستىك قىزمەت كورسەتىلەدى.
«تۋريستىك قىزمەت سالاسىندا 48 كومپانيا تىركەلىپ وتىر. ونىڭ 11 ى تۋروپەراتور، 37 سى فيرما، 2 ەتنواۋىل جانە 1 ۆيزيت ورتالىعى بار. بيىلعى قاڭتار- ناۋرىز ايلارىندا اتىراۋ وبلىسىنا 32 مىڭنان استام تۋريست كەلدى. تۋريستەردىڭ 27 مىڭى - قازاقستاندىق، ال، 5 مىڭنان استامى - شەتەلدىكتەر. ءوڭىر تۇرعىندارى مەن قوناقتارىن قىزىقتىراتىن بىرنەشە تۋريستىك باعىت انىقتالىپ وتىر. تۋريستەر يندەر اۋدانىنداعى تۇزدىكولگە، قۇرمانعازى اۋدانىنىڭ اۋماعىمەن وتەتىن قيعاش وزەنىندەگى «لوتوس» القابىنا، جىلىوي اۋدانىندا ورنالاسقان اقكەگەرشىن بورلى تاۋىنا، يساتاي اۋدانىنداعى نارىن قۇمىنا، ماحامبەت اۋدانىنداعى ورتاعاسىرلىق سارايشىق كەشەنىنە، اتىراۋ قالاسىنىڭ ماڭىنداعى «اقجايىق» مەملەكەتتىك تابيعي رەزەرۆاتىنا ءجيى بارادى. ويتكەنى، اتالعان ورىنداردان اتىراۋدىڭ بىرەگەي تابيعاتى مەن مادەني مۇراسىن تاماشالاۋعا بولادى»، - دەپ حابارلادى جاننات سابىرعاليەۆا.
ونىڭ ايتۋىنشا، تابيعات سيپاتتاعى توتەنشە جاعداي كەزىندە تۋريستىك ماۋسىم كەيىنگە شەگەرىلگەن. اتىراۋ وبلىسىنىڭ اكىمى سەرىك شاپكەنوۆتىڭ شەشىمىمەن جاريالانعان توتەنشە جاعداي رەجيمى ءالى دە ساقتالىپ وتىر.
«قازىر جاعداي تۇراقتالا كەلگەندىكتەن، ەكسكۋرسيالىق تۋرلاردى جانداندىرۋدى جوسپارلاپ وتىرمىز. ونى تۋريستىك ۇيىمدار ارقىلى ۇيىمداستىرامىز. الدىمەن تۋريستىك ورىنداردى بىرگە ارالاپ، جاي- كۇيىن تەكسەرۋدى ويلاستىردىق»، - دەيدى جاننات سابىرعاليەۆا.
ال، «Easy Travel» تۋريستىك فيرماسىنىڭ باسشىسى نۇرالحان بيسەنوۆتىڭ ايتۋىنشا، شەتەلگە ساياحاتتايتىن اتىراۋلىقتار از ەمەس.
«جاز مەزگىلىندە دەمالىسىن شەتەلدە وتكىزەتىن اتىراۋلىقتار وتە كوپ. ولاردىڭ باسىم بولىگى تۇركيانىڭ الانيا قالاسىنا، ەگيپەتتىڭ شارم- ەل- شەيح قالاسىنا بارادى. سوڭعى كەزدە ازيا ەلدەرىنە قىزىعۋشىلىق بايقالىپ وتىر. ماسەلەن، ماۋسىم ايىندا تايلاند پەن ۆەتنامداعى كۋرۋورتتىق ايماققا بارۋ ءۇشىن جولداما الۋعا سۇرانىس كوبەيدى»، - دەيدى نۇرالحان بيسەنوۆ.
ەسكە سالا كەتەلىك، بۇعان دەيىنبيىل اتىراۋدان رەسەي شەكاراسىنا دەيىن قاتىنايتىن جولدى جاڭعىرتۋ اياقتالاتىنىن حابارلاعان ەدىك.
اۆتور
جولداسبەك شوپەعۇل
