16:16, 17 - اقپان 2024 | GMT +5
اتىراۋ مۇناي وڭدەۋ زاۋىتىنداعى جاعداي بويىنشا جۇمىس توبى قۇرىلدى
استانا. KAZINFORM - «قازمۇنايگاز» ا ق باسقارما ءتوراعاسىنىڭ ورىنباسارى دميتري ماكەيەۆ اتىراۋ مۇناي وڭدەۋ زاۋىتىنداعى قازىرگى احۋال تۋرالى مالىمەت بەردى.
«بۇگىنگى تاڭدا اتىراۋ مۇناي وڭدەۋ زاۋىتى شتاتتىق رەجيمدە جۇمىس ىستەپ تۇر. ەسكەرتۋلەر جوق. سونىمەن بىرگە، قازمۇنايگاز باسقارما ءتوراعاسىنىڭ تاپسىرماسىمەن كەشەگى الەۋمەتتىك جەلىدە تاراعان مالىمەتتەردىڭ قورىتىندىسى بويىنشا تەكسەرۋ جۇرگىزۋ ءۇشىن جۇمىس توبى قۇرىلدى. جۇمىس توبىنا مۇشەلەر تاڭداپ الىندى، جۇمىس ءجۇرىپ جاتىر» دەلىنگەن كومپانيانىڭ باسپا ءسوز قىزمەتى تاراتقان بەينەدە.
ەسكە سالساق، الەۋمەتتىك جەلىدە اتىراۋ مۇناي وڭدەۋ زاۋىتىندا اپات بولعانى جايلى حابار تاراعان ەدى.
