اتىن جانىندا بولعان قىزمەتكەردىڭ ەسىمىمەن اتاعان: ۋاقىتشا ۇستاۋ يزولياتورىنا قامالعان ايەل بوساندى

استانا. قازاقپارات - پاۆلوداردا ۋاقىتشا ۇستاۋ يزولياتورىنا قامالعان ايەل بوساندى. تولعاعى كەلىپ قالعان جۇكتى ايەلگە وبلىستىق قىلمىستىق اتقارۋ جۇيەسى قىزمەتكەرلەرى كومەكتەستى، - دەپ حابارلايدى pavlodarnews.kz.

پوست باقىلاۋشىسى بەسىنشى رەجيم كورپۋسىن كەشكى تەكسەرۋ كەزىندە تولعاق بەلگىلەرى باستالعان جۇكتى ايەلگە نازار اۋدارعان. ول بىردەن كەزەكشى بولىمگە حابارلاپ، جەدەل جاردەم شاقىرعان.

ق ا ج قىزمەتكەرلەرىنىڭ ايتۋىنشا، تەرگەۋ يزولياتورىنا ايەل جۇكتىلىكتىڭ توعىزىنشى ايىندا كەلگەن. بوسانۋ وبلىستىق پەريناتالدىق ورتالىقتا، قالىپتى وتكەن. بالانىڭ دەنساۋلىعى - جاقسى. مەكەمەگە ورالعاننان كەيىن انا مەن بالا بارلىق كوممۋنالدىق-تۇرمىستىق جاعدايلارى جاسالعان جەكە كامەراعا اۋىستىرىلدى.

«ەندى ءبىزدىڭ مىندەتىمىز - انانىڭ بالامەن مەكەمەدە بولۋىنىڭ قولايلى جاعدايلارىن قامتاماسىز ەتۋ. بالانى كۇتۋ ءۇشىن بارلىق قاجەتتى زاتتار ساتىپ الىندى. ال نارەستەنىڭ دەنساۋلىق جاعدايى تەرگەۋ يزولياتورى مەديتسينا قىزمەتكەرلەرىنىڭ باقىلاۋىندا»، - دەدى مەكەمە باستىعىنىڭ جالپى سۇراقتار جانە سوتتالعانداردىڭ ەڭبەگىن ۇيىمداستىرۋ جۇمىستارى جونىندەگى ورىنباسارى تەمىرلان جۇماتايەۆ.

بوسانعان ايەلدىڭ ايتۋىنشا، قىزىنىڭ دۇنيەگە كەلۋى وعان كۇش بەرىپ، تەزىرەك بوساتىلۋىنا ۇلكەن موتيۆاتسيا پايدا بولعان. قىزىن وسى ۋاقىت بويى قاسىندا بولعان قىزمەتكەردىڭ ەسىمىمەن اتاپ، جۇلدىز دەپ قويعان.