اۆتوماتتان 12، 41 تاپانشا، 75 مىلتىق، 36 گراناتا تابىلدى - ۇ ق ك
استانا. KAZINFORM - جىل باسىنان ۇ ق ك پوليتسيا جانە پروكۋراتۋرا ورگاندارىمەن بىرلەسىپ 12 اۆتومات، 41 تاپانشا، 75 مىلتىق، 36 گراناتا جانە ءارتۇرلى كاليبردەگى 1603 وق-ءدارى تاركىلەدى. بۇل تۋرالى ۇ ق ك باسپا ءسوز قىزمەتى حابارلادى.
بۇل قارۋدىڭ ەداۋىر بولىگى «قاڭتار وقيعاسى» كەزىندە ۇرلانعان (بارلىعى 2022 -جىلدان باستاپ ۇ ق ك داعدارىس كەزەڭىندە جوعالعان 608 قارۋ تاركىلەگەن).
وسىلايشا، ارسەنالدىڭ دەسترۋكتيۆتى ورتاعا ءتۇسۋ جانە ونى قوعام مەن مەملەكەتتىڭ مۇددەلەرىنە قارسى پايدالانۋ قاۋپى تومەندەتىلدى.
سونىمەن قاتار، قازاقستان اۋماعىنا قارۋدى زاڭسىز اكەلۋ فاكتىلەرى تىركەلىپ جاتىر.
- ۇ ق ك كورشى ەلدەن كەلەتىن قارۋ كونترابانداسى ارناسىنىڭ جولىن كەسىپ، ەل اۋماعىندا ون قارۋدى ساتۋعا نيەتتەنگەن شەتەلدىك ازاماتتى ۇستادى. قارۋ-جاراق كولىكتىڭ قاپتاماسىنا ايلاكەرلىكپەن جاسىرىلىپ، ءارى ق ر ازاماتتارى اراسىنداعى سىبايلاستاردىڭ كومەگىمەن جەتكىزىلگەن، - دەلىنگەن حابارلامادا.
ايتا كەتەلىك بىرنەشە وبلىستا قاڭتار وقيعاسى كەزىندە ۇرلانعان قارۋ-جاراقتار تابىلعان ەدى.
اۆتور
نازىم بولەسوۆا
