اۆتوكولىكپەن جۇك تاسىمالى: وتاندىق كوپانيالاردىڭ ۇلەسى قانداي

استانا. KAZINFORM - ق ر كولىك مينيسترلىگى اۆتوكولىكپەن جۇك تاسىمالداۋشى وتاندىق كومپانيالار ءقازىر نارىقتىڭ نەشە پايىزىن قامتىپ وتىرعانى جايىندا تۇسىنىك بەردى.

камаз
Фото: Ақтөбе облысының әкімдігі

- 2023 -جىلدىڭ قورىتىندىسى بويىنشا وتاندىق تاسىمالداۋشىلاردىڭ حالىقارالىق جۇك تاسىمالدارى نارىعىنداعى ۇلەسى %50 قۇراسا (2021 -جىلى - %31، 2022 -جىلى - %43)، 2024 -جىلدىڭ 9 اي قورىتىندىسى بويىنشا 51 پايىزعا جەتتى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

اتاپ ايتقاندا، جالپى 2024 - جىلدىڭ قورىتىندىسى بويىنشا ستاتيستيكالىق مالىمەتتەر بيىلعى اقپان ايىندا دايىن بولادى.

- سونىمەن قاتار 2025 -جىلدىڭ 1 - قاڭتارىنداعى جاعدايى بويىنشا ەلىمىزدە 9500 كولىك كومپانياسى تىركەلگەن جانە ولاردىڭ 92900 جۇك اۆتوكولىگى بار. سونىڭ ىشىندە شامامەن 58 مىڭى نەگىزىنەن قىتاي جانە وزبەكستان باعىتىندا جۇك تاسىمالدارىن جۇزەگە اسىرادى، ال الىس شەتەلگە شامامەن 2400 كولىك كومپانياسى 35 مىڭنان استام اۆتوكولىك قۇرالىمەن (سونىڭ ىشىندە تىركەمەلەر/جارتىلاي تىركەمەلەر) تاسىمالداردى ورىنداپ كەلەدى. جوعارىدا اتالعانداي وتاندىق تاسىمالداۋشىلاردىڭ حالىقارالىق نارىقتاعى ۇلەسى %50 عا دەيىن ارتتى (2021 -جىلى %31 قۇرادى)، - دەپ اتالىپ وتكەن ۆەدومستۆو اقپاراتىندا.

سونىمەن قاتار كولىك مينيسترلىگى قازاقستاندا شەتەلدىك كاپيتالدىڭ قاتىسۋىمەن جۇك تاسىمالىندا نەشە كولىك كومپانياسى بار ەكەنىن ناقتىلادى.

- كەيىنگى ونجىلدىقتا قازاستاقستاندا شەتەل كاپيتالىنىڭ قاتىسۋىمەن (گەرمانيا، لاتۆيا، ليتۆا، نيدەرلاندى، تۇركيا، يران، يتاليا، رەسەي، بەلورۋسسيا، پاكىستان، گرۋزيا) بىرلەسكەن 50 كولىك كاسىپورىندارى تىركەلگەن جانە ولاردىڭ پاركىندە 1964 اۆتوكولىك بار. وسى بىرلەسكەن كاسىپورىندار مەن ولاردىڭ اۆتوكولىك قۇرالدارى قازاقستاندا تىركەلگەن، سونداي- اق ولار ەل ەكونوميكاسىنا ينۆەستيتسيا قۇيىپ، سالىق تولەپ، قوسىمشا جۇمىس ورىندارىمەن قامتيتىن قازاقستاندىق كومپانيالار رەتىندە سانالادى، - دەلىنگەن مينيسترلىك مالىمەتىندە.

بۇدان بۇرىن حابارلانعانداي، 2025 -جىلدىڭ 15- قاڭتارىنان وتاندىق تاسىمالداۋشىلار ءۇشىن جۇكتەردى حالىقارالىق تاسىمالداۋعا جاڭا تەتىك ەنگىزىلەدى.

سوڭعى جاڭالىقتار