اۆتوبۋس پەن تەپلوۆوز اپاتى: زارداپ شەككەندەردىڭ جاعدايى ايتىلدى

الماتى. KAZINFORM - الماتىنىڭ المالى اۋدانىندا  88-باعىتتاعى قوعامدىق كولىك پەن تەپلوۆوز سوقتىعىستى. وقيعا سالدارىنان زارداپ شەككەندەردىڭ سانى جەتىگە جەتتى.

الماتى قالاسى قوعامدىق دەنساۋلىق ساقتاۋ باسقارماسىنىڭ مالىمەتىنە سايكەس، زارداپ شەككەن 80 جاستاعى ناۋقاس وڭ جاق قابىرعالارىنىڭ سىنىعى، بىلەك سۇيەگى سىنىعى دياگنوزىمەن قالالىق جەدەل شۇعىل كومەك كورسەتۋ اۋرۋحاناسىنا جاتقىزىلدى. ونىڭ جاعدايى اۋىر، ءبىراق تۇراقتى دەپ باعالانادى.

ءبىر ناۋقاس الماتى كوپبەيىندى كلينيكالىق اۋرۋحاناسىنا جەتكىزىلگەن. قالعان جولاۋشىلار ماماندار تەكسەرۋىنەن كەيىن ۇيگە جىبەرىلگەن.

- بەس ناۋقاستا قاجەتتى زەرتحانالىق-اسپاپتىق زەرتتەۋلەر جۇرگىزىلىپ، مامانداردىڭ تەكسەرۋىنەن كەيىن شۇعىل اۋرۋحاناعا جاتقىزۋ بەلگىلەرى انىقتالعان جوق. ولار تۇرعىلىقتى جەرى بويىنشا بەكىتىلگەن ەمحاناعا امبۋلاتورلىق باقىلاۋعا جىبەرىلدى، - دەپ حابارلادى باسقارمادان.

ەسكە سالايىق، بۇعان دەيىن ساعات 11:40 تا الماتىدا اۆتوبۋس پەن تەپلوۆوز سوقتىعىسقانىن جازعانبىز.