اتلانتيكالىق «پيا» داۋىلى ەۋروپانى ابىگەرگە سالدى

ەۋروپانىڭ اتلانتيكالىق جاعالاۋىندا «پيا» داۋىلى قاھارىنا ءمىنىپ تۇر. وعان كۇشتى جەل مەن الىپ تولقىندار قوسىلدى، دەپ حابارلايدى Kazinform مير-24-كە سىلتەمە جاساپ.

مانچەستەر اۋەجايى اۋا رايىن ءجىتى باقىلاۋدا ۇستاپ وتىر. ايلاق ءتىپتى ۇشاقتاردى قابىلداي الماي نەمەسە ۇشىرا الماي جابىلۋى دا مۇمكىن. بارلىق لاينەر ءبىرىنشى رەتتەن قونا الماي اۋرە-سارساڭعا ءتۇستى.

كوبى ەكىنشى اينالىم جاساپ نەمەسە قوسىمشا اۋە ايلاقتارىنا كەتىپ جاتىر.

اتلانتيكا جاعالاۋىندا كەيىنگى 8 جىلدا مۇنداي كۇشتى داۋىل بولماعان. داۋىل ەكپىنى كەي جەرلەردە سەكۋندىنا 45 مەترگە جەتەدى.

اۋەجايلارمەن قاتار جۇزدەگەن كەمە، پاروم مەن كرۋيزدىك لاينەر جولعا شىعا الماي تۇر. تەمىرجول ۆوكزالدارىندا پويىزدار كەشىگىپ، ادامدار جينالىپ قالعان. كاتوليكتەردە روجدەستۆو باستالاتىندىقتان تۇرعىندار تۋىستارىنا جەتىپ ۇلگەرۋگە تىرىسادى. دەگەنمەن داۋىل سالدارىنان بىرەۋلەر مەرەكەنى پويىزدا وتكىزۋى ابدەن مۇمكىن.

ۇلى بريتانيانىڭ كوپتەگەن ەلدىمەكەنىندە ۇيلەردىڭ شاتىرى قيراپ، اعاشتار قۇلاعان، كولىكتەر بۇلىنگەن. قالالار مەن اۋىلداردىڭ ءبىر بولىگى جارىقسىز قالدى.

بيلىك وكىلدەرى مەكتەپتەگى ساباقتى توقتاتۋعا ءماجبۇر بولدى جانە تۇرعىنداردى قاتتى قاجەت بولماعان جاعدايدا ۇيدەن شىقپاۋعا شاقىرادى.