اپتاپ ىستىق، نوسەر جاڭبىر: 2-شىلدەگە ارنالعان اۋا رايى بولجامى

Об-ҳаво
فوتو: راۋشان امرەنوۆا/ Kazinform

استانا. KAZINFORM - سيكلون ىقپال ەتىپ، اتموسفەرالىق فرونتالدى بولىكتەردىڭ وتۋىنە بايلانىستى 2-شىلدەدە ەلىمىزدىڭ باسىم بولىگىندە جاڭبىر جاۋىپ، نايزاعاي وينايدى.

سولتۇستىكتە، شىعىستا، وڭتۇستىك- شىعىستا، رەسپۋبليكانىڭ ورتالىعىندا كۇن كۇركىرەيدى، نوسەر جاڭبىر، بۇرشاق جاۋادى.

«قازگيدرومەت» ر م ك مالىمەتىنشە، تەك ەلىمىزدىڭ باتىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، وڭتۇستىكتە شاڭدى داۋىل سوعادى، تۇندە جانە تاڭەرتەڭ سولتۇستىكتە جانە سولتۇستىك-باتىستا تۇمان تۇسەدى.

الماتى وبلىسىندا، پاۆلودار وبلىسىنىڭ شىعىسىندا، باتىسىندا، وڭتۇستىگىندە، ۇلىتاۋ وبلىسىنىڭ شىعىسىندا، سولتۇستىك- باتىسىندا، اباي وبلىسىنىڭ ورتالىعىندا، باتىسىندا، شىعىس قازاقستاننىڭ سولتۇستىگىندە، جەتىسۋ وبلىسىندا، اقمولانىڭ شىعىسىندا، اتىراۋ وبلىسىنىڭ باتىسىندا، شىعىسىندا، باتىس قازاقستان وبلىستارىندا ءورت قاۋپى جوعارى.

تۇركىستان، قىزىلوردا وبلىستارىندا، ۇلىتاۋ وبلىسىندا، جامبىلدىڭ شىعىسىندا، جەتىسۋ وبلىسىنىڭ سولتۇستىگىندە، شىعىسىندا، الماتى وبلىسىنىڭ ورتالىعىندا، قوستاناي، شىعىس قازاقستان وبلىستارىنىڭ وڭتۇستىگىندە جانە اباي وبلىسىندا، اتىراۋدىڭ باتىسىندا، وڭتۇستىك- شىعىسىندا، ماڭعىستاۋدىڭ باتىسىندا، قاراعاندى ​​وبلىسىنىڭ وڭتۇستىگى مەن باتىسىندا توتەنشە ءورت قاۋپى ساقتالادى.

باتىس قازاقستان جانە اتىراۋ وبلىستارىندا اپتاپ ىستىق بولادى.

اۆتور
ەلميرا ورالبايەۆا

سوڭعى جاڭالىقتار