«اتاۋ كەرە»: كانادادا ەر ادام ولەر الدىندا «ديۋنا 2» فيلمىن كورگىسى كەلگەن
استانا. KAZINFORM - كانادانىڭ كۆەبەك قالاسىنداعى حوسپيستىڭ نەگىزىن قالاۋشى جوزە گانون Facebook پاراقشاسىندا ەمدەلۋشىلەرىنىڭ ءبىرى جان تاپسىرار الدىندا «ديۋنا 2» فيلمىن كورگىسى كەلگەنىنىن جازدى. فيلمنىڭ رەجيسسەرى دەني ۆيلنيەۆ پرەمەراعا 1,5 اي قالعاندا كومەكشىسى ارقىلى وعان فيلمنىڭ كوشىرمەسى مەن كومپيۋتەر بەرىپ جىبەرگەن، دەپ جازادى The Washington Post.
جوزە گانون 2024 -جىلدىڭ قاڭتار ايىنىڭ باسىندا Facebook-تە «بىرەۋدىڭ ءومىرىنىڭ سوڭىندا ازعانتاي فوكۋس جاساۋ ءۇشىن» رەجيسسەر دەني ۆيلنيەۆپەن بايلانىسقىسى كەلەتىنىن جاريالاعان.
پوستتا ۆيلنيەۆتىڭ نە ءۇشىن قاجەت ەكەنى، ناۋقاستىڭ كىم ەكەنى ايتىلماعان. ءبىر جارىم ايدان كەيىن، «ديۋنا 2» شىعارىلعان كۇنى جوزە گانون وقيعانىڭ ەگجەي-تەگجەيىن ءتۇسىندىردى.
ونىڭ ايتۋىنشا، حوسپيس پاتسيەنتى قايتىس بولماس بۇرىن «ديۋنا 2» فيلمىن كورگىسى كەلەتىنىن ايتقان. حوسپيستىڭ نەگىزىن قالاۋشى ناۋقاس تۋرالى ەشتەڭە ايتپادى، تەك ناۋقاستىڭ وزىمەن تۇيدەي قۇرداس ەكەنىن ايتقان (The Washington Post ناۋقاستىڭ جاسى 50 دەن اسقانىن ناقتىلادى). ناۋقاس ءوزىنىڭ حوببيى تۋرالى بايانداعان كەزدە فيلمدەردى جاقسى كورەتىنىن ايتقان.
ول فيلمنىڭ رەجيسسەرى دەني ۆيلنيەۆپەن تەز ارادا بايلانىسقا شىققان. جوزە گانون باستاپقىدا رەجيسسەردىڭ ءوز فيلمدەرىنىڭ جانكۇيەرلەرىنە العىس بەينەروليگىن جىبەرۋىن عانا قالادى. الايدا ۆيلنيەۆ پەن ونىڭ ايەلىنە (ول كينوپروديۋسەر بولعان) بۇل وقيعا «قاتتى اسەر ەتكەن».
«فيلمدەر وسىنداي ادامعا ارنالعان»، - دەيدى دەنيس ۆيلنيەۆ پەن ونىڭ جۇبايى.
سودان كەيىن ولار فيلمدى كورۋ ءۇشىن حوسپيس پاتسيەنتىن مونرەالعا اكەلۋدىڭ جولدارىن ىزدەي باستاعان، ءبىراق پاتسيەنت ساپارعا تىم ءالسىز بولعان جانە ۋاقىتى دا از ەدى.
16-قاڭتاردا ۆيلنيەۆتىڭ كومەكشىسى وزىمەن بىرگە فيلمنىڭ كوشىرمەسى بار رەجيسسەردىڭ كومپيۋتەرىن الىپ، كۆەبەككە ۇشىپ بارعان. ناۋقاسقا ارنالعان فيلمنىڭ كورسەتىلىمى پەردەلەرمەن جابىلعان بولمەدە وتكەن. دەمونستراتسياعا قاتىسقاندار اقپاراتتى جاريا ەتپەۋ تۋرالى قۇجاتتارعا قول قويىپ، بەينەجازبالار جاريالانباۋى ءۇشىن تەلەفوندارىن ۋاقىتشا تاپسىرعان.
ناۋقاس اۋىرسىنۋىنا بايلانىستى ءۇش ساعاتتىق فيلمدى تولىق كورە الماعان، كورسەتىلىم فيلمنىڭ جارتىسىنا جۋىقتاعاندا توقتاعان. ناۋقاس بىرنەشە كۇننەن كەيىن قايتىس بولدى.
«ديۋنا 2» بۇكىل الەم بويىنشا 2024 -جىلدىڭ 1-ناۋرىزىندا، وسى وقيعادان ءبىر جارىم ايدان كەيىن كورسەتىلە باستادى.
