«اتا جولى» كارتاسىن قانشا ەتنيكالىق قازاق الدى

«Ата жолы» картасын қанша қандас алды
Фото: 7-su.kz

 استانا. KAZINFORM - «اتا جولى» كارتاسىن ۇستاۋشىلارعا «ءبىر ءوتىنىش» قاعيداتى بويىنشا تۇراقتى تۇرۋعا رۇقسات الۋدىڭ وڭايلاتىلعان تارتىبىمەن مۇمكىندىكتەر بەرىلمەك.

بۇل تۋرالى سەنات دەپۋتاتتارىنىڭ ساۋالىنا پرەمەر-ءمينيستردىڭ ورىنباسارى تامارا دۇيسەنوۆانىڭ جاۋابىندا ايتىلعان.

«2023 -جىلدىڭ ماۋسىم ايىندا شەتەلدە تۇراتىن ەتنيكالىق قازاقتار ءۇشىن «اتا جولى» كارتاسى ەنگىزىلدى. بۇگىنگى تاڭدا 55 ءوتىنىم (124 ادام) ماقۇلداندى. ونىڭ ىشىندە 25 كارتانى (67 ادام) بيزنەس-يمميگرانتتار جانە 30 كارتانى (57 ادام) سۇرانىسقا يە كاسىپ يەلەرى الدى»، - دەدى ۆيتسە- پرەمەر.

تامارا دۇيسەنوۆانىڭ جاۋابىنا بەرىلگەن انىقتاماعا سايكەس، «سۇرانىسقا يە ماماندىقتار» بويىنشا 11 ەلدىڭ ازاماتتارى كارتانى الدى: رەسەيدەن 15 ادام، گەرمانيادان 4 ادام، موڭعوليا مەن ق ح ر- دان 2 ادام، ا ق ش، يزرايل، نيدەرلاندى، وزبەكستان، قىرعىزستان، فينليانديا جانە اۆستريادان 1 ادام. «بيزنەس- يمميگرانت» رەتىندە كارتانى 10 ەلدەن الدى: رەسەيدەن 12 ادام، اۋعانستاننان 3 ادام، قحر مەن موڭعوليادان 2 ادامنان، اۆستريا، يزرايل، گەرمانيا، تۇركيا، وزبەكستان جانە تۇرىكمەنستاننان 1 ادامنان.

«ۇلتتىق قاۋىپسىزدىكتى قامتاماسىز ەتۋ ماقساتىندا ىشكى ىستەر ورگاندارىنىڭ اۋماقتىق بولىمشەلەرىنە «اتا جولى» كارتاسىن الۋعا ءوتىنىش بىلدىرگەن ءوتىنىش بەرۋشى تۋرالى (تەرروريستىك نەمەسە ەكسترەميستىك ۇيىمدارعا جاتاتىندىعى، ءتيىستى وڭىرلەردىڭ ۇلتتىق قاۋىپسىزدىك ورگاندارىندا قۇقىق بۇزۋشىلىق جاساعانى تۋرالى ايىپتاۋ مالىمەتتەرىنىڭ بار- جوعىن تەكسەرۋدى جۇزەگە اسىرۋ) ءتيىستى ساۋالدار جىبەرۋ بولىگىندە زاڭنامالىق وزگەرىستەر ەنگىزىلدى. بۇدان باسقا، كارتا ۇستاۋشىلارعا „ءبىر ءوتىنىش“ قاعيداتى بويىنشا تۇراقتى تۇرۋعا رۇقسات الۋدىڭ وڭايلاتىلعان تارتىبىمەن مۇمكىندىكتەر بەرۋ بولىگىندە زاڭنامالىق تۇزەتۋلەر ەنگىزىلۋدە. 2024 -جىلدىڭ 24-مامىردا ۇكىمەتتە مەنىڭ توراعالىمىممەن «اتا جولى» كارتاسىن العان ازاماتتارمەن كەزدەسۋ وتكىزىلدى. كەزدەسۋ بارىسىندا كارتانى الۋ تەتىكتەرىن جەتىلدىرۋ، جۇمىسقا ورنالاسۋ، بيزنەستەرىن دامىتۋ جانە باسقا دا ماسەلەلەر بويىنشا ولاردىڭ ۇسىنىستارى تىڭدالدى»، - دەدى ول.

سوڭعى جاڭالىقتار