«اتا جولى» كارتاسى: ا ق ش پەن ەۋرووداق ەلدەرىندەگى قانداستار قىزىعۋشىلىق تانىتۋدا

  استانا. KAZINFORM -قازاقستانعا شەتەلدەن ورالعان ەتنيكالىق قازاقتارعا ارنالعان «اتا جولى» كارتاسى 2022 -جىلدىڭ سوڭىندا قولعا الىندى.

«سۇرانىسقا يە ماماندىعى بار جانە تۇرعان ەلىندە بيزنەس-كەيستەردى تابىستى ىسكە اسىرعان ەتنيكالىق قازاقتارعا ەلىمىزدە كاسىبىن جالعاستىرۋعا قۇقىق بەرەتىن «اتا جولى» كارتاسى بار. بۇگىندە كارتانى الۋعا ۇمىتكەرلەردىڭ سانى كوبەيىپ كەلەدى. «اتا جولى» كارتاسىن الۋعا كورشىلەس رەسەي، موڭعولياداعى قانداستاردان بولەك، اقش پەن ەۋرووداق ەلدەرىندەگى باۋىرلارىمىزدا قىزىعۋشىلىق تانىتۋدا»، - دەدى ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە «اتا جولى» كارتاسىن 44 ەتنيكالىق قازاق الدى. ونىڭ 24 ى سۇرانىسقا يە ماماندىق يەلەرى، ال 20 سى كاسىپكەر.

ايتا كەتەيىك، 2023 -جىلعى 1-جەلتوقسانداعى جاعدايى بويىنشا ەلىمىزگە 23 مىڭ قانداس (8,3 مىڭ ادامعا ءوستى) كوشىپ كەلدى.

ەسكە سالا كەتسەك، 2022 -جىلدىڭ قاراشا ايىندا قانداستار ءۇشىن 10 جىلدىق «اتا جولى» كارتاسى ەنگىزىلەتىنى تۋرالى حابارلاعان ەدىك.

سونداي- اق، «اتا جولى» كارتاسىن قالاي الۋعا بولاتىنى تۋرالى تۇسىنىكتەمە بەرىلدى.