ات باپتاۋ قانىمىزدا بار قاسيەت - مارجىقپايەۆ
استانا. KAZINFORM - ۇلتتىق سپورت كۇنىنە وراي استانا قالاسىنداعى «ارعىماق» ات- سپورتتىق ساۋىقتىرۋ كەشەنىندە «ناۋرىزناما: ۇلتتىق سپورت كۇنى» اتتى كەش ءوتتى.
ءىس-شارا بارىسىندا قازاقستان جانە ا ق ش كوكپارشىلارى سايىسقا ءتۇسىپ، جينالعانداردىڭ دەلەبەسىن قوزدىردى.
سونداي- اق اۋدارىسپاق، ساداق اتۋ سياقتى ۇلتتىق سپورت تۇرلەرىنىڭ ۇزدىكتەرى دە كورەرمەندەرگە شەبەرلىگىن كورسەتتى.
ءىس- شارادا ءسوز سويلەگەن تۋريزم جانە سپورت ءمينيسترى ەرمەك مارجىقبايەۆ ەلىمىزدە ۇلتتىق سپورت تۇرلەرى قارقىندى دامىپ كەلە جاتقانىن ايتتى.
- ەلىمىزدىڭ برەندىنە اينالعان ۇلتتىق سپورت دالامىزدىڭ كونە تاريحىمەن ەگەمەن ەلىمىزدىڭ ءتۇپ باستاۋى دەۋگە بولادى. ات باپتاۋ قانىمىزدا بار قاسيەت. بۇعان بايگە، كوكپار، اۋدارىسپاق، جامبى اتۋ، تەڭگە ءىلۋ سياقتى سپورت تۇرلەرىنىڭ كەڭىنەن دامۋى دالەل بولا الادى. قازاقتىڭ ۇلتتىق ويىندارى پاتريوتتىق تاربيە بەرۋدە ۇتىمدى قۇرال. سالاماتتى ءومىر سالتىن ناسيحاتتاۋعا ەلەۋلى سەپتىگىن تيگىزەدى، - دەدى مينيستر.
كەش بارىسىندا ۇلتتىق ويىننىڭ دامۋىنا ۇلەس قوسقان ءبىرقاتار ارداگەر ماراپاتتالىپ، ولارعا 500 مىڭ تەڭگەنىڭ سەرتيفيكاتى تابىستالدى.
اۆتور
ورالحان قوجانوۆ
