اۋستراليادا 2,4 ميلليون بالانىڭ ءومىرىن ساقتاپ قالعان دونور قايتىس بولدى

استانا. KAZINFORM - اۋستراليادا الەمدەگى ەڭ تانىمال دونورلاردىڭ ءبىرى قايتىس بولدى. ونىڭ پلازماسى 2,4 ميلليون ءسابيدىڭ ءومىرىن ساقتاپ قالدى، ويتكەنى ونىڭ قۇرامىندا ەرەكشە سارىسۋ جاساۋ ءۇشىن قولدانىلاتىن سيرەك يممۋنوگلوبۋلين (انتي- D) بار.

ول رەزۋس فاكتورى تەرىس جۇكتى ايەلدەرگە، انا مەن بالالارعا تاعايىندالادى، دەپ جازادى BBC.

دجەيمس حارريسون 88 جاستا. ول 17-اقپاندا جاڭا وڭتۇستىك ۋەلستەگى قارتتار ۇيىندە قايتىس بولدى، ءبىراق ونىڭ وتباسى ونىڭ قايتىس بولعانىن بۇگىن عانا حابارلادى.

اۋستراليالىق قىزىل كرەست قان قىزمەتى حارريسوننىڭ نەكرولوگىندا ول 14 جاسىندا كەۋدە قۋىسىنا كۇردەلى وپەراتسيا جاساتىپ، قان قۇيعاننان كەيىن دونور بولۋدى شەشكەنىن جازدى.

ول 18 جاسىندا قان پلازماسىن تاپسىرا باستادى جانە ونى 81 جاسىنا دەيىن جالعاستىرىپ كەلگەن. 2005 -جىلى ەڭ كوپ پلازما تاپسىرعان دونور رەتىندە الەمدىك رەكورد ورناتتى.

كەيىن 2022 -جىلى بۇل رەكوردتى امەريكالىق دونور جاڭارتتى. وعان دەيىن ول الەمدەگى ەڭ جومارت دونور سانالىپ كەلدى.

وسىعان دەيىن الماتى وبلىسىندا قايتىس بولعان دونوردىڭ 4 ادامنىڭ ءومىرىن ساقتاپ قالعان.

اۆتور

ەركەجان سماعۇلوۆا