استانانىڭ ءبىرقاتار ورتالىق كوشەسىندە ءبىرجاقتى قوزعالىس بولادى
ەلوردادا اقىلى اۆتوتۇراقتار ورنالاسقان ورىندار قايتا قارالادى. بۇل تۋرالى استانا قالاسىنىڭ اكىمى جەڭىس قاسىمبەك ايتتى، دەپ حابارلايدى Kazinform.
«كەلەر ايدا ءبىز اۆتوتۇراقتاردىڭ ورىندارىن قايتا قاراستىرامىز. ءبىز الەۋمەتتىك نىسانداردىڭ ماڭىندا، ياعني اۋرۋحانالار، مەكتەپتەر ايماعىنداعى ورىنداردا تەگىن اۆتوتۇراق بولادى. ءبىراق، نەگىزگى اقىلى اۆتوتۇراقتار قالا ورتالىعىنداعى كولىك قوزعالىسىن رەتتەۋدىڭ نەگىزگى تەتىكتەرىنىڭ ءبىرى ەكەنىن ءتۇسىنۋىمىز كەرەك»، - دەدى ج. قاسىمبەك بۇگىن قالا كاسىپكەرلەرىمەن كەزدەسۋ بارىسىندا.
ايتۋىنشا، اقىلى اۆتوتۇراقتار بارلىق ءىرى قالالاردا، ورتالىقتا، كولىك قوزعالىسىندا پروبلەمالارى بار جەرلەردە جاساقتالعان.
«سوندىقتان، لوكاتسيا مەن جۇمىس ۋاقىتىنىڭ وزگەرۋىن، تاريف ماسەلەلەرىن ەسكەرە وتىرىپ، ءبىز كەلەر جىلى كولىكتەردىڭ ءجۇرۋ باعىتى بويىنشا تۇبەگەيلى وزگەرىستى جوسپارلايمىز. ورتالىقتاعى ءبىرقاتار كوشەدە ءبىرجاقتى قوزعالىس بولادى. بۇعان قازىردەن باستاپ دايىندالىپ جاتىرمىز، قوعامدىق تىڭداۋلار بولادى»، - دەدى قالا اكىمى.
