استانانىڭ 2024-2026-جىلدارعا ارنالعان بيۋجەتىنە وزگەرىس ەنگىزۋ ۇسىنىلدى
استانا. KAZINFORM - ەلوردانىڭ قوعامدىق كەڭەسىندە استانا قالاسىنىڭ 2024-2026-جىلدارعا ارنالعان بيۋجەتى تۋرالى قالالىق ءماسليحاتتىڭ 2023-جىلعى 14-جەلتوقسانداعى شەشىمىنە وزگەرىس ەنگىزۋ ماسەلەسى تالقىلاندى.
«سىزدەردىڭ قاراۋلارىڭىزعا استانا قالاسىنىڭ 2024-2026-جىلدارعا ارنالعان بيۋجەتىنە ەنگىزىلەتىن وزگەرىستەر بەرىلدى:
مەنشىك كىرىستەرىنىڭ ءتۇسىمى بويىنشا جوسپاردى 24,1 ميلليارد تەڭگەگە ۇلعايتۋ ۇسىنىلادى. ونىڭ ىشىندە سالىق تۇسىمدەرى بويىنشا جوسپاردى 18 ميلليارد تەڭگەگە، سالىقتىق جانە تۇسىمدەر بويىنشا ناقتى تۇسىمدەر ەسەبىنەن 5,3 ميلليارد تەڭگەگە جانە نەگىزگى كاپيتالدىق ساتۋدىڭ تۇسىمدەرى بويىنشا 1,1 ميلليارد تەڭگەگە ۇلعايتۋ ۇسىنىلىپ وتىر»، - دەدى ءوز بايانداماسىندا استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقارايەۆ.
باسقارما باسشىسى كىرىستەرگە سۇيەنە وتىرىپ قالا بيۋجەتىنىڭ شىعىس بولىگى قالىپتاستىرىلعانىن ايتتى. سونداي-اق بيۋجەت باعدارلامالارى اكىمشىلەرىنىڭ قاجەتتىلىگىن اتاپ شىقتى.
«سانيتاريا، اباتتاندىرۋ، جارىقتاندىرۋدى قامتاماسىز ەتۋگە 5 اۋدانعا 8 ميلليارد 516 ميلليون تەڭگە سوماسىندا قاراجات قاراستىرىلعان. ونىڭ ىشىندە الماتى اۋدانى اكىمى اپپاراتىنا 2,7 ميلليارد تەڭگە، بايقوڭىر اۋدانى اكىمى اپپاراتىنا 996 ميلليون تەڭگە، ەسىل اۋدانى اكىمى اپپاراتىنا 4 ميلليارد تەڭگە، نۇرا اۋدانى اكىمى اپپاراتىنا 600 ميلليون تەڭگە جانە سارىارقا اۋدانى اكىمى اپپاراتىنا 70 ميلليون تەڭگە كولەمىندە قاراجات قاراستىرىلدى.
كولىك جانە جول كولىك ينفراقۇرىلىمىن دامىتۋ باسقارماسىنا قوسىمشا 8 ميلليارد 675 ميلليون تەڭگە ءبولىندى. ونىڭ ىشىندە جەرگىلىكتى دەڭگەيدە اۆتوموبيل جولدارى جانە جولاۋشىلار كولىگى سالاسىندا مەملەكەتتىك ساياساتتى ىسكە اسىرۋ جونىندەگى قىزمەتتەرگە 675 ميلليون تەڭگە، الەۋمەتتىك ماڭىزى بار ىشكى جولاۋشىلار تاسىمالىن سۋبسيديالاۋعا 8 ميلليارد تەڭگە ءبولىندى.
ەنەرگەتيكا باسقارماسىنا قوسىمشا 5 ميلليارد 603 ميلليون تەڭگە قاراستىرىلۋدا. ونىڭ ىشىندە جىلۋ ەنەرگەتيكالىق جۇيەسىن دامىتۋعا 2 ميلليارد تەڭگە، جىلۋ ماۋسىمىن ۇزدىكسىز وتكىزۋ ءۇشىن وتىن ساتىپ الۋعا، ەنەرگيا ءوندىرۋشى ۇيىمداردىڭ شىعىندارىن سۋبسيديالاۋعا 3,5 ميلليارد تەڭگە قاراستىرىلدى.
قۇرىلىس باسقارماسىنا قوسىمشا 2 ميلليارد 856 ميلليون تەڭگە ءبولىندى. ونىڭ ىشىندە 13-ورتا مەكتەپ قوسىمشا قۇرىلىسىنا 200 ميلليون تەڭگە، مەملەكەتتىك ورگانداردىڭ وبەكتىلەرىن دامىتۋعا 2,5 ميلليارد تەڭگە ءبولىندى.
كوممۋنالدىق شارۋاشىلىق باسقارماسىنا قوسىمشا 400 ميلليون تەڭگە ءبولىندى. ونىڭ ىشىندە استانا سۋ ارناسى اتموسفەرالىق جەرۇستى اعىندارىن بۇرۋعا جانە تازارتۋعا 400 ميلليون تەڭگە قاراستىرىلدى.
قورشاعان ورتانى قورعاۋ جانە تابيعاتتى پايدالانۋ باسقارماسىنا قوسىمشا 2 ميلليارد 973 ميلليون تەڭگە قاراستىرىلدى. ونىڭ ىشىندە اباتتاندىرۋدى دامىتۋعا 2 ميلليارد 728 ميلليون تەڭگە جانە جارعىلىق كاپيتالدى قالىپتاستىرۋ نەمەسە ۇلعايتۋعا 245 ميلليون تەڭگە ءبولىندى»، - دەدى قايسار ماڭقارايەۆ.
سونداي-اق سپيكەر جەرگىلىكتى اتقارۋشى ورگاننىڭ باسقا دا باسقارمالارىنا قاراستىرىلعان جانە بولىنگەن قارجىلاردى ايتا كەلە استانا قالاسىنا 2024-جىلعا ناقتىلانعان بيۋجەتىنىڭ ناقتى كولەمىن اتادى.
«ەنگىزىلگەن وزگەرىستەردى ەسكەرە وتىرىپ، استانا قالاسىنا 2024-جىلعا ناقتىلانعان بيۋدجەتىنىڭ ناقتى كولەمى 1 تريلليون 327 ميلليارد 987 ميلليون تەڭگەنى قۇرايدى. ونىڭ ىشىندە مەنشىكتى كىرىستەر بويىنشا تۇسىمدەر 1 تريلليون 12 ميلليارد تەڭگە، ترانسفەرتتەر مەن كرەديتتەر 230 ميلليارد 759 ميلليون تەڭگە، مەملەكەتتىك باعالى قاعازدار شىعارۋ 54 ميلليارد 961 ميلليون تەڭگە جانە بوس قالدىقتار 29 ميلليارد 83 ميلليون تەڭگە بولدى»، - دەدى ول.
ۇسىنىستى قوعامدىق كەڭەس مۇشەلەرىنىڭ تالقىلاۋى كەزىندە بايانداماشىعا بۇعان دەيىنگى وتىرىستا ايتىلعان «استانا ورمانى» ج ش س- عا قوسىمشا قارجى ءبولۋ ماسەلەسىنە قاتىستى سۇراق قويىلدى. قايسار ماڭقارايەۆ بۇل جوبادا اتالعان كومپانياعا قوسىمشا 245 ميلليون تەڭگە ءبولۋ قاراستىرىلعانىن ايتتى.
قوعامدىق كەڭەس مۇشەلەرى ءوز كەزەگىندە دەنە شىنىقتىرۋ جانە سپورت باسقارماسىنىڭ جىل سوڭىندا قوماقتى قارجىنى قايتارۋىن سىنعا الدى. بيۋجەت قارجىسىنىڭ اكىمشىلەرىنە كەلەسى جىلى بيۋجەتتەن قارجى سۇراردا ونىڭ يگەرىلۋىن دە قاتاڭ جوسپارلاۋ كەرەگى ەسكەرتىلدى.
قوعامدىق كەڭەس مۇشەلەرى قالا بيۋدجەتىن وزگەرتۋگە ەنگىزىلگەن ۇسىنىستاردى كوپشىلىك داۋىسپەن قولدادى.
ەسكە سالا كەتەيىك، قالالىق ءماسليحات ەلوردانىڭ 2024-2026-جىلدارعا ارنالعان بيۋجەتىن بەكىتكەن. وندا استانانىڭ 2024-جىلعا جوسپارلانعان كىرىستەرى 1218915156,4 مىڭ تەڭگە دەپ كورسەتىلگەن:
- سالىقتىق تۇسىمدەر بويىنشا - 908540892 مىڭ تەڭگە؛
- سالىقتىق ەمەس تۇسىمدەر بويىنشا - 63140464,4 مىڭ تەڭگە؛
- نەگىزگى كاپيتالدى ساتۋدان تۇسەتىن تۇسىمدەر بويىنشا - 13889913 مىڭ تەڭگە؛
- ترانسفەرتتەر تۇسىمدەرى بويىنشا - 233343887 مىڭ تەڭگە.
