استانالىقتار ەكى كۇن جۇمىستى ونلاين ىستەيدى

эфир
فوتو: Pixabay

استانا. KAZINFORM - ش ى ۇ سامميتى كەزىندە استانادا قاشىقتان جۇمىس فورماتى ەنگىزىلەدى. بۇل جايىندا قالا اكىمدىگىنەن حابارلاندى.

2024 -جىلدىڭ 3-4-شىلدەسىندە استانادا شاڭحاي ىنتىماقتاستىق ۇيىمىنىڭ سامميتى وتەدى.

قوعامدىق ءتارتىپ پەن قاۋىپسىزدىكتى قامتاماسىز ەتۋ، سونداي-اق سامميت وتكىزۋ كەزەڭىندە قۇقىق بۇزۋشىلىقتاردىڭ الدىن الۋ جانە جولىن كەسۋ ماقساتىندا پوليتسيانىڭ جەكە قۇرامى قىزمەت وتكەرۋدىڭ كۇشەيتىلگەن رەجيمىنە اۋىستىرىلدى.

ازاماتتارعا ىڭعايلى بولۋى ءۇشىن، سونىڭ ىشىندە جولدا كەپتەلىس تۋعىزباس ءۇشىن مەملەكەتتىك مەكەمەلەر مەن كۆازيمەملەكەتتىك سەكتور قىزمەتكەرلەرىنىڭ 70 پايىزى 2-4-شىلدە ارالىعىندا قاشىقتان جۇمىس فورماتىنا اۋىستىرىلادى.

3-4-شىلدەدە مەكتەپكە دەيىنگى مەكەمەلەر دە جۇمىس ىستەمەيدى.

بۇل - ءىرى حالىقارالىق ءىس-شارالاردى وتكىزۋ كەزىندە كۇشەيتىلگەن قاۋىپسىزدىك شارالارى قابىلداناتىن جانە ازاماتتارعا ىڭعايلى بولۋ ءۇشىن ءىشىنارا قاشىقتان جۇمىس ەنگىزىلەتىن الەمدىك تاجىريبە.

سوڭعى جاڭالىقتار