استانالىقتار جارىقسىز قالعان اپاتتىڭ سەبەبى اتالدى

Астаналықтар жарықсыз қалды: апаттың себебі аталды
Фото: Фото: stan.kz

استانا اكىمدىگى كەشە كەشكە بولعان جارىقتىڭ جاپپاي سونۋىنە تۇسىنىك بەردى، دەپ حابارلايدى Kazinform.

«كەشە ساعات 21.57 دە قالالىق 10 قوسالقى ستانتسيا ىستەن شىقتى. سالدارىنان قالانىڭ نەگىزىنەن وڭ جاعالاۋىنداعى تۇرعىن ۇيلەر جارىقسىز قالدى. ءارى قاراي ساعات 23.00 اۋەجاي قوسالقى ستانتسيالار ىسكە قوسىلدى. ساعات 23.10 دا بايتەرەك قوسالقى ستانتسياسى ىسكە قوسىلدى. تۇنگى ساعات 2.00 گە دەيىن بارلىق قوسالقى ستانتسيالار جۇمىس ىستەپ تۇردى»، - دەدى استانا قالاسى اكىمىنىڭ ءبىرىنشى ورىنباسارى نۇرلان نۇركەنوۆ استانا قالاسى كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، 2-ستانتسياسىندا تەحنولوگيالىق بۇزۋشىلىق بولعان جوق. ج ە و-2 شتاتتىق رەجيمدە جۇمىسىن جالعاستىردى جانە جالعاستىرىپ جاتىر.

«توتەنشە جاعداي جەتەكشى جەلىلەردە بولدى. اپاتقا سەبەپ - كابەلدىڭ ءۇزىلۋى جانە شكافتاردىڭ ءبىرىنىڭ ورتەنۋى. بۇل شتاتتان تىس جاعداي بولدى، تۇنگى ساعات 2 دە بارلىق ابونەنت ەلەكتر قۋاتىمەن قامتاماسىز ەتىلدى. 2 ساعات بويى قالانىڭ وڭ جاعالاۋىنداعى كەيبىر الەۋمەتتىك نىسانداردا جارىقسىز قالدى. بارلىق مەديتسينالىق نىسان بويىنشا ديزەل-گەنەراتورلار ىسكە قوسىلىپ، ۋاقىتشا جارىق بەرىلدى. توتەنشە جاعداي كەزىندە ديزەل رەانيماتسيانى جانە وپەراتسيالىق بلوكتاردى قامتاماسىز ەتتى. مەديتسينالىق مەكەمەلەردەگى قىزمەتكە قاۋىپ تونگەن جوق» - دەيدى ول.

سوڭعى جاڭالىقتار