استانالىق ەكى مۇعالىم ەلدەگى ۇزدىك 10 ۇستاز قاتارىنا قوسىلدى
استانا. KAZINFORM - استانادا «قازاقستان ءمۇعالىمى-2024» ۇلتتىق سىيلىعىنىڭ فيناليستەرىن سالتاناتتى ماراپاتتاۋ ءراسىمى ءوتتى. ءىس-شاراعا الەمنىڭ ءار تۇكپىرىنەن كەلگەن مۇعالىمدەر مەن عالىمدار، ساراپشىلار قاتىستى. بۇل تۋرالى ەلوردا اكىمدىگىنىڭ رەسمي سايتى جازدى.
بۇل Varkey Foundation بەكىتكەن جاھاندىق مۇعالىمدەر سىيلىعى حالىقارالىق بايقاۋىنىڭ قازاقستاندىق كەزەڭى بولىپ سانالادى. وندا ءبىر ميلليون ا ق ش دوللارى كولەمىندەگى باس جۇلدە ءبىلىم سالاسىنا ۇلەس قوسقانى ءۇشىن الەمنىڭ ۇزدىك مۇعالىمدەرىنە بەرىلەدى.
بايقاۋ اياسىندا «قازاقستان مۇعالىمى-2024» ۇلتتىق سىيلىعىنىڭ يەگەرى انىقتالىپ، ەلىمىزدىڭ ون ۇزدىك ۇستازى انىقتالدى. بۇل بايقاۋدىڭ ماقساتى - ۇستازدىق ماماندىقتىڭ ماڭىزدىلىعىن كورسەتىپ قانا قويماي، سونىمەن قاتار ۇزدىك مۇعالىمدەردىڭ ەڭبەگىن حالىقارالىق دەڭگەيگە كورسەتۋ.
بيىلعى بايقاۋ رەكوردتىق كورسەتكىشتى كورسەتىپ قازاقستاننىڭ تۇكپىر- تۇكپىرىنەن 2200 دەن استام پەداگوگ قاتىسىپ، ولاردىڭ اراسىنان 10 ۇزدىك ۇستاز ىرىكتەلىپ الىندى. ولاردىڭ قاتارىندا ەلوردالىق ەكى ۇستاز بار. ولار استانا قالاسىنداعى №71 مەكتەپ- ليسەيىنىڭ ماتەماتيكا ءپانى ۇستازى وكتيابرينا جۋنيس جانە ەكونوميكالىق ليتسەيدىڭ قازاق ءتىلى جانە ادەبيەتى ءپانى ۇستازى نۇرجان بايساكوۆ. ۇزدىك ون ۇستازدىڭ قاتارىنا كىرگەن ەلوردالىق ەكى ۇستازدىڭ ءارقايسىسىنا 1 ميلليون تەڭگەدەن اقشالاي سىيلىق تابىس ەتىلدى.
ەسكە سالا كەتەيىك، بيىل 9 مىڭنان استام دارىگەر بىلىكتىلىگىن ارتتىردى.
