استانالىق ءماسليحات دەپۋتاتى مەترو سالۋدى ۇسىندى

بۇگىن قالالىق ءماسليحات وتىرىسىندا ەلوردادا جەراستى مەترو سالۋ يدەياسى كوتەرىلدى، دەپ حابارلايدى قازاقپارات ءتىلشىسى.

«ۇزاقمەرزىمدى ۇسىنىس - ەلوردادا جەراستى مەتروپوليتەنىن سالۋ تۋرالى ويلانۋ كەرەك. بەيبىت ۋاقىتتا ول جول قوزعالىسى قىزمەتىن اتقارادى. توتەنشە جاعداي قاۋپى تونسە مەترو جەراستى بومبادان قورعاناتىن ورىنعا اينالادى»، - دەدى دەپۋتات دينارا ورازالينا ءماسليحاتتا ءوز پىكىرىن ورتاعا سالىپ.

ونىڭ مالىمدەۋىنشە، اتالعان وبەكتىنى سالۋ ارقىلى بىرنەشە ماسەلەنى شەشۋ مۇمكىندىگى بار.

ەسكە سالا كەتسەك، ەلوردادا «استانا LRT» جەلىسى سالىنىپ جاتىر. اكىمدىكتىڭ مالىمەتىنشە، بيىل جوبا قۇرىلىسىنا 52,4 ميلليارد تەڭگە ءبولىندى.

ودان بولەك، ەلوردا اكىمى LRT جوباسىن 2 جىلدىڭ ىشىندە اياقتاۋدى جوسپارلاپ وتىرعانىن ءمالىم ەتكەن ەدى.