استانادان ۇشاتىن Fly Dubai رەيستەرى توقتاتىلدى
استانا. KAZINFORM - استانا حالىقارالىق اۋەجايى Fly Dubai جانە Air Astana اۋەكومپانيالارىنىڭ رەيستەر كەستەسىندەگى وزگەرىستەر تۋرالى حابارلادى.
اۋەجايدىڭ حابارلاۋىنشا، Fly Dubai اۋەكومپانياسىنىڭ بۇگىنگە ۇشىپ كەلۋگە جوسپارلانعان FZ1303 جانە FZ1307 رەيستەرى، سونداي-اق ۇشۋعا جوسپارلانعان FZ1304 جانە FZ1308 رەيستەرى توقتاتىلدى.
سونىمەن قاتار Air Astana اۋەكومپانياسىنىڭ دۋباي-استانا باعىتىنداعى كەشىكتىرىلگەن كەشەگى KC2060 رەيسى بۇگىن ۇشىرىلادى.
«تاڭەرتەڭ ساعات 07:25 تە استانا-دۋباي باعىتى بويىنشا KC205 رەيسى جۇرگىزىلدى. اتالعان رەيس استانا قالاسىنا تۇنگى ۋاقىتتا ۇشىپ كەلەدى. جولاۋشىلار رەيستەر تۋرالى اقپاراتتى جانە ولاردىڭ كەستەدەگى ىقتيمال وزگەرىستەرى تۋرالى مالىمەتتى اۋەكومپانيادان، سونداي-اق استانا حالىقارالىق اۋەجايىنىڭ رەسمي سايتىنان www.nn-airport.kz نەمەسە تاۋلىك بويى جۇمىس ىستەيتىن بايلانىس ورتالىعىنان 87172702999 بىلە الادى»، - دەپ حابارلادى اۋەجايدىڭ باسپا ءسوز قىزمەتى.
ەسكە سالا كەتەيىك، بىرىككەن اراب امىرلىكتەرىندە نوسەر جاۋىپ، كوشەلەر مەن عيماراتتاردى سۋ الىپ كەتكەن بولاتىن.
اۋا رايىنىڭ قولايسىزدىعىنا بايلانىستى دۋباي حالىقارالىق اۋەجايىندا كەم دەگەندە 17 تۇراقتى رەيس توقتاتىلعان. رەيستىڭ توقتاتىلۋى، كەشىگۋى جانە باعىتىن وزگەرتۋ كۇنى بويى تىركەلىپ جاتىر.
