استانادان الماتىعا بارا جاتقان جولاۋشىلار پويىزى رەلستەن شىعىپ كەتتى

Электричка Электр пойызы жд
Фото: Kazinform

استانا. قازاقپارات – 4-استانا - الماتى-2 جولاۋشىلار پويىزى شيەلى ستانساسىندا رەلستەن شىعىپ كەتتى.

بۇل تۋرالى Tengri Travel رەداكسياسىنا وقىرمانداردىڭ ءبىرى حابارلاپ، ۆيدەو دا جولداعان.

ونىڭ ايتۋىنشا، 9-شىلدە كۇنى استانا ۋاقىتىمەن ساعات 11:30 شاماسىندا استانا (نۇرلى-جول) - الماتى-2 باعىتىمەن كەلە جاتقان 4-جولاۋشىلار پويىزى وقىس وقيعاعا تاپ بولعان. وقىرماننىڭ سوزىنشە، پويىز وتار ستانتسياسىنان 20 شاقىرىم جەردە ورنالاسقان شيەلى ستانساسىنىڭ قيىلىسىندا رەلستەن شىعىپ كەتكەن.

«قۇرباندار مەن زارداپ شەككەندەر جوق. ءبىز كۇتپەيىك دەپ شەشىپ، باعىتتاس كولىكپەن كەتىپ قالدىق. پويىزعا جانە وندا قالعان جولاۋشىلاردىڭ قازىرگى جاعدايى بىزگە بەلگىسىز»، - دەپ جازدى وقىرمان.

جولاۋشىلار تاسىمالىنىڭ باسپا ءسوز قىزمەتى ديزەل-گەنەراتور قوندىرعىسى بار تەحنيكالىق ۆاگوننىڭ سوڭعى بولىگى رەلستەن شىعىپ كەتكەنىن راستادى. رەسمي مالىمدەمەدە استانا - الماتى باعىتىنداعى 4-جىلدام پويىزدىڭ قىزمەتى ۋاقىتشا توقتاتىلاتىنى ايتىلعان.

سونداي-اق، باسپا ءسوز قىزمەتى جولاۋشىلار الماتىعا قاراي باعىت العان 503/504 باسقا پويىزعا اۋىستىرىلعانىن حابارلادى.

«ۇلتتىق تاسىمالداۋشى ۋاقىتشا قولايسىزدىقتار ءۇشىن كەشىرىم سۇرايدى. جولاۋشىلار پويىزدارىنىڭ ءجۇرۋ كەستەسى تۋرالى انىقتامانى 1433 تەلەفونى ارقىلى تەگىن الا الادى»، - دەپ حابارلادى تاسىمالداۋشى.

قازىرگى ۋاقىتتا بارلىق جولاۋشى الماتىعا جول ءجۇرىپ بارا جاتىر.

سوڭعى جاڭالىقتار