استاناداعى رەيدتەر: كامەلەتكە تولماعاندار اراسىندا 150 زاڭ بۇزۋشىلىق انىقتالدى
استانا. KAZINFORM - كامەلەتكە تولماعاندار اراسىنداعى قۇقىق بۇزۋشىلىقتار مەن قىلمىستاردىڭ الدىن الۋ ماقساتىندا ەلوردانىڭ بەس اۋدانىندا تۇراقتى نەگىزدە «تۇنگى قالاداعى بالالار» جەدەل-الدىن الۋ ءىس-شارالارى وتكىزىلەدى.
رەيدتىك ءىس-شارالار باستالعاننان بەرى 150 گە جۋىق اكىمشىلىك قۇقىق بۇزۋشىلىق انىقتالدى، ونىڭ ىشىندە ق ر ا ق ب ت ك- ءنىڭ 442-بابى 2-بولىگى بويىنشا 109 فاكت انىقتالدى، دەپ حابارلايدى ەلوردا اكىمدىگىنىڭ رەسمي سايتى.
پوليتسەيلەر اۋداندىق اكىمدىكتەردىڭ، ءبىلىم باسقارماسىنىڭ قىزمەتكەرلەرىمەن جانە استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ مۇشەلەرىمەن بىرلەسىپ، كامەلەتكە تولماعانداردىڭ قوعامدىق ورىنداردا زاڭدى وكىلدەرىنىڭ ەرىپ ءجۇرۋىنسىز كەشكى نەمەسە تۇنگى ۋاقىتتا بولۋ جاعدايلارىن انىقتاۋ ماقساتىندا كوشەلەر مەن ويىن-ساۋىق ورىندارىن تەكسەرەدى.
سارىارقا استانالىق اۋدانىنداعى رەيد بارىسىندا موبيلدى توپ اكىمشىلىك قۇقىق بۇزۋشىلىق تۋرالى 17 حاتتاما تولتىرىپ، 6 كامەلەتكە تولماعان جاس ءوسپىرىم ارناۋلى الەۋمەتتىك قىزمەتتەرگە مۇقتاج بالالاردى قولداۋ ورتالىعىنا ورنالاستىرىلدى.
ەسىل اۋدانىندا مونيتورينگتىك توپتىڭ قىزمەتكەرلەرى ق ر ا ق ب ت ك 442-بابى بويىنشا ءۇش ايلىق ەسەپتىك كورسەتكىش مولشەرىندە زاڭدى وكىلدەرىنە ايىپپۇل تۇرىندە تارتىلعان 62 كامەلەتكە تولماعان جاس ءوسپىرىمدى انىقتادى. ەستەرىڭىزگە سالا كەتەيىك، اكىمشىلىك جازا قولدانىلعاننان كەيىن ءبىر جىل ىشىندە قايتالاما قۇقىق بۇزۋشىلىق جاساعانى ءۇشىن (ا ق ب ت ك 442-بابىنىڭ 3-بولىگى) 2001 ادامعا 30274003 تەڭگە سوماسىندا ايىپپۇل سالىندى. ايىپپۇل جەتى ايلىق ەسەپتىك كورسەتكىشتى قۇرايدى.
بايقوڭىر اۋدانىندا جەدەل-پروفيلاكتيكالىق ءىس-شارالار بارىسىندا 57 كامەلەتكە تولماعان جاس ءوسپىرىم انىقتالىپ، جەرگىلىكتى پوليتسيا باسقارمالارىنا جەتكىزىلدى. بۇل بالالاردىڭ زاڭدى وكىلدەرى اكىمشىلىك جاۋاپكەرشىلىككە تاپ بولدى. سونداي-اق ويىن-ساۋىق مەكەمەلەرىنىڭ يەلەرى ق ر اكىمشىلىك قۇقىق بۇزۋشىلىق تۋرالى كودەكسىنىڭ 132-بابىنا سايكەس كامەلەتكە تولماعانداردى ءوز مەكەمەلەرىنە جىبەرگەنى ءۇشىن اكىمشىلىك جاۋاپكەرشىلىككە تارتىلدى.
نۇرا اۋدانىنىڭ اۋماعى بويىنشا رەيدتىك ءىس-شارالار كەزىندە مىناداي قۇقىق بۇزۋشىلىقتار انىقتالدى: 48 جاس ءوسپىرىم ساعات 23.00 دەن كەيىن اتا-اناسىنىڭ نەمەسە زاڭدى وكىلدەرىنىڭ سۇيەمەلدەۋىنسىز جۇرگەن، بۇل 442-باپ بويىنشا اكىمشىلىك ايىپپۇل سالۋعا اكەپ سوقتىردى؛ 437-باپ بويىنشا تۇنگى ۋاقىتتا تىنىشتىقتى بۇزعانى ءۇشىن 437-باپ بويىنشا اكىمشىلىك حاتتاما جاسالدى؛ 2 اتا-انا 127-باپ جانە 10 ا ە ك مولشەرىندە ايىپپۇل سالىندى.
رەيد بارىسىندا الماتى اۋدانىندا ءموبيلدى توپ كامەلەتكە تولماعان جاس وسپىرىمدەردىڭ ەرەسەكتەردىڭ ەرىپ ءجۇرۋىنسىز تۇنگى ۋاقىتتا بولعان 6 جاعدايدى انىقتادى. ونىڭ قورىتىندىسى بويىنشا اتا-انالارعا حاتتاما تولتىرىلىپ، اكىمشىلىك ايىپپۇل سالىندى.
ەستەرىڭىزگە سالا كەتەيىك، ق ر اكىمشىلىك قۇقىق بۇزۋشىلىق تۋرالى كودەكستىڭ 442-بابى بويىنشا 22.00 دەن 6.00 گە دەيىن كامەلەتكە تولماعانداردىڭ ويىن-ساۋىق ورىندارىندا زاڭدى وكىلدەرىنىڭ ەرىپ ءجۇرۋىنسىز جۇرۋگە تىيىم سالىنادى، سونداي-اق ساعات 23.00 دەن 6.00 گە دەيىن كامەلەتكە تولماعاندارعا زاڭدى وكىلدەرىنىڭ ەرىپ ءجۇرۋىنسىز تۇرعىن ۇيدەن تىس جەردە بولۋىنا تىيىم سالىنادى.
ايتا كەتەيىك، استانا قالاسى پروكۋراتۋراسىنىڭ، قۇقىق قورعاۋ جانە مەملەكەتتىك ورگانداردىڭ ۇيلەستىرۋىمەن، استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا مۇشەلەرىمەن جانە اۋداندىق اكىمدىكتەرمەن بىرلەسىپ، تۇنگى ۋاقىتتا قالا كوشەلەرىندە جانە ويىن-ساۋىق ورىندارىندا كامەلەتكە تولماعانداردى انىقتاۋ بويىنشا رەيدتەر جالعاسۋدا.
